Центрите за контрола и превенција на болести на САД (ЦДЦ) денес потпишаа широка употреба на ажурирани вакцини за ковид-19 одобрени од владата, кои покриваат возраст од 6 месеци па нагоре, додека земјата се подготвува да започне кампања за вакцинација во рок од неколку дена.
Тие не избраа да ги таргетираат вакцините кон одредени популации со висок ризик како што сугерираат некои експерти, а препорачаа и други земји.
Вакцините се дел од притисокот на службениците во јавното здравство да се усогласат следните вакцини против ковид поблиску со вистинската циркулирачка варијанта на вирусот, слично како што се дизајнирани годишните вакцини против грип.
Препораката се разликува од оние во повеќето европски земји кои издадоа насоки. Овој месец, Европскиот центар за превенција и контрола на болести, рече дека програмите за вакцинација во земјите на ЕУ треба да им дадат приоритет на луѓето на возраст од 60 години и постари, како и на другите ранливи групи.
Во Германија, бустерите се насочени кон овие групи, додека Комитетот за вакцини на британската влада рече дека само на возрасните од 65 години и постари и на некои други категории ќе им биде понудена вакцината бидејќи тие имаат најголема веројатност да имаат корист.
Центрите за контрола и превенција на болести на САД рекоа дека едноставното препорачување на вакцината за секого ги надминува компликациите создадени со попрецизно приспособување на препораките.
„Јас сум за универзална препорака“, рече членот на панелот и професор на Харвард, д-р Камил Котон.
„Да го отстраниме ковид-19 најдобро што можеме со спречување на болеста преку вакцини“.
Советниците на ЦДЦ се состанаа еден ден откако Администрацијата за храна и лекови ги одобри ажурираните вакцини против Ковид направени од „Фајзер“ и нејзиниот германски партнер „БиоНтек“, како и „Модерна“, за луѓето на возраст од 12 и постари и дозволи итна употреба кај деца на возраст од 6 месеци до 11 години.
„Фајзер“ и „Модерна“ рекоа дека вакцините може да се појават во наредните денови, а ЦДЦ рече дека тие ќе бидат достапни подоцна оваа недела.
Вакцината на „Новавакс“ сè уште се разгледува од страна на Администрацијата за храна и лекови.
