Првата дама на САД Џил Бајден е позитивна на тестот за ковид-19, само неколку дена пред претседателот Џо Бајден, кој е негативен на тестот, да отпатува на самитот на Г20 во Индија, соопшти Белата куќа.
72-годишната сопруга на Бајден, чии симптоми беа опишани како благи, последен пат имала ковид во август минатата година.
Претседателот, кој сега има 80 години, последен пат бил позитивен во јули 2022 година.
„Оваа вечер, првата дама беше позитивна на ковид-19 “, се вели во соопштението на нејзината директорка за комуникации Елизабет Александар.
„Таа ќе остане во нивниот дом во Делавер“.
Бајден се врати сам од Делавер вчера вечерта.
„По позитивниот тест на првата дама, на претседателот Бајден му беше направен тест за ковид оваа вечер“, соопшти Белата куќа. „Претседателот беше негативен. Претседателот ќе тестира редовно оваа недела и ќе ги следи симптомите“.
Белата куќа не одговори веднаш на барањето за коментар за тоа дали може да биде засегнато патувањето на Бајден во странство.
Но, официјалниот распоред на Бајден за една недела, објавен веднаш по објавувањето на дијагнозата на првата дама, покажа дека тој патува во Њу Делхи в четвртокот за да присуствува на самитот на Г20.
Бајден треба да лета за Ханој в недела.
Бајден се кандидираше за реизбор во 2024 година во кампања во која прашањето за неговата возраст изгледа како клучно прашање за гласачите.
Тој е најстариот претседател кој бара втор мандат, а некои републиканци рекоа дека е премногу стар за да добие уште четири години во Белата куќа.
