Американските центри за контрола и превенција на болести (ЦДЦ) денес соопштија дека новата варијанта BA.2.86 на коронавирус, за разлика од претходните варијанти, може да предизвика инфекција кај луѓе кои претходно имале ковид или кои примиле вакцини.
ЦДЦ рече дека е прерано да се знае дали ова може да предизвика потешка болест во споредба со претходните варијанти.
Но, поради големиот број на мутации, постои загриженост за нејзиното влијание врз имунитетот од вакцините и претходните инфекции, соопшти агенцијата.
Научниците внимаваат на лозата BA.2.86 бидејќи има 36 мутации кои ја разликуваат од моментално доминантната XBB.1.5 варијанта.
ЦДЦ, сепак, рече дека примероците од вирусот сè уште не се широко достапни за посигурно лабораториско тестирање на антитела.
Агенцијата претходно овој месец соопшти дека ја следи многу мутираната варијанта BA.2.86, која е откриена во САД, Данска и Израел.
ЦДЦ во средата рече дека сегашното зголемување на хоспитализациите во САД веројатно не е предизвикано од лозата BA.2.86
Извор: Ројтерс
