Линкови за пристапност

ЗА НАС

ЗА НАС

Гласот на Америка е најголемата американска меѓународна мултимедијална новинска организација, што нуди содржини на повеќе од 45 јазици за публика што нема, или има ограничен, пристап до слободен печат. Создаден во 1942, Гласот на Америка е определен за сеопфатно, независно известување и за пренесување на вистината до публиката. Гласот на Америка целосно е финансиран од американските даночни обврзници како дел од Агенцијата за глобални медиуми на САД.

Мисијата на Гласот на Америка и уредничката независност се гарантирани со закони што ги штитат новинарите на Гласот на Америка од влијание, притисок, или одмазда од владини претставници или политичари.


Во 1976, Претседателот Џералд Р. Форд ја потпиша Повелбата на Гласот на Америка, во која стои:

1. Гласот на Америка ќе служи како конзистентно веродостоен и авторитативен извор на вести. Вестите на Гласот на Америка ќе бидат точни, објективни и сеопфатни.

2. Гласот на Америка ќе ја претставува Америка, а не сегмент на американското општество, и затоа ќе презентира балансирана и сеопфатна проекција на значајна американска мисла и институции.

3. Гласот на Америка ќе ги претставува политиките на САД јасно и ефективно, а исто така ќе презентира одговорни дискусии и мислења по тие политики.

Во 1994, Конгресот на САД го усвои Актот за меѓународно емитување на програма на САД. Овој закон бара работата на новинарите на Гласот на Америка да биде авторитативна, точна, објективна, сеопфатна, балансирана и да ја одразува американската културна и општествена разноликост.

Во 2016, Конгресот реафирмираше во Актот за авторизација на националната одбрана дека функциите на собирање вести и известување мора да продолжат да бидат независни и објективни.

Секој ден, новинарите на Гласот на Америка напорно работат да ги моделираат принципите на слободен печат во светот.

VOA
A Free Press Matters

Слободниот печат е важен

Лилица Китановска ја води македонската редакција на Гласот на Америка од 2015-та година. Завршила Правен факултет на Универзитетот „Св. Кирил и Методиј“ во Скопје, а новинарската кариера ја започнала во националниот весник „Нова Македонија“.

Станала прв фриленс-новинар за македонски медиуми од САД во 1996-та, а на Гласот на Америка се приклучила од основањето, во 1999-та, прогресивно преземајќи се` поодговорни улоги.

lkitanov@voanews.com

Јане Бојаџиевски во Гласот на Америка во Вашингтон е од септември 2004-та година. Кариерата ја започна во МИА, по што следат Дневник и Дојче Веле во Келн, со истовремена дописничка работа за ТВ Телма и Канал 5.

Водител, репортер и видео-новинар со 20-годишно искуство на сите платформи.

jbojadzi@voanews.com

Милена Ѓорѓиевска се приклучи на тимот на Гласот на Америка на македонски во 2016-та година, по десетгодишна професионална кариера во Македонија. Нејзинато искуство како новинар, кој работел на социјални и политички прашања во дневниот весник „Вест“ и платформата „Сакам да кажам“, е добредојдено дополнување на редакцијата во Вашингтон.

Членува во Националниот клуб на новинари во САД.

mgjorgjievska@voanews.com

Јованчо Наумоски е повторно во Гласот на Америка на македонски јазик од 2021-ва година, откако претходно работеше повеќе од две години пред да замине на друг ангажман во 2018-та година. Освен како новинар и презентер на вести, Наумоски работи и како главен продуцент на “Њусфлеш”. Тој, исто така, работи на дигиталните и социјалните платформи, и подготвува неделен извештај за националната телевизија Алфа. Има работено како радио водител и новинар, како ТВ новинар и видео продуцент во Јавниот програмски сервис МТВ.

jnaumoski@voanews.com

Владимир Мирчески зад себе има речиси 20-годишна новинарска кариера. Професијата ја почнал во пишани медиуми, за по кус период да се префрли во телевизиско новинарство.

Бил дел од тимовите во некои од највлијателните национални телевизии во Македонија: ТВ А1, Канал 5, ТВ Алфа.

Последните неколку години е дел од емисијата „360 Степени“ што се емитува на ТВ Алсат. Од 2016-та година е дописник на Гласот на Америка на македонски јазик.

Мики Трајковски новинарската кариера ја започнал во Радио мрежата Канал 77.

Работел за македонската програма на ББЦ во Лондон (2005-2010), известувал за националното радио на Австралија – СБС (2009 -2016), програма на македонски јазик, а со Радио Слободна Европа бил во периодот 2012-2016.

Од 2006-та е известувач од Охрид за ТВ Алсат, а на Гласот на Америка на македонски се приклучи во март 2016.

Огнен Чанчаревиќ e роден е во Скопје, 1979-ма година. Дипломирал историја на Филозофскиот факултет во Скопје. Новинарската кариера ја почнува во 2003-та, во дневниот весник „Време“.

Работел во редакциите на весниците „Нова Македонија“ и „Вечер“ и телевизијата „Телма“.

Се бави со истражувачко новинарство, следи организиран криминал и корупција, полиција и судство. В о редакцијата на Гласот на Америка на македонски работи е од септември, 2016-та година.

Тоше Огњанов зад себе има 15-годишно новинарско искуство. Во тимот на македонскиот сервис на Гласот на Америка е од 2018 година, а претходно има работено во печатени и дигитални медиуми, како новинар во дневниот весник Дневник и уредник на порталот Телеграф.мк. Следејќи ги различните потреби на медиумите во кои има работено, печатени, дигитални, телевизиски, се стекнал со професионални знаења и искуства од различни сфери на новинарството, меѓу кои и за фотографија, видео и креирање и уредување на дигитални содржини.

Тоше Огњанов е алумни на Програмата за професионален развој на Факултетот за новинарство и комуникации „Вoлтер Кронкајт“, при Универзитетот во Аризона, САД.

tognjanov@voanews.com

XS
SM
MD
LG