Додека руско-украинската војна беснее без да се гледа крајот... САД се домаќини на лидерите на 32-члената Алијанса за годишниот самит на НАТО што се одржува од 9-ти до 11-ти јули во Вашингтон.

Зајакнувањето на безбедноста на Украина и справувањето со предизвиците од Кина се високо на агендата, според американски официјални лица.

САД и нивните сојузници во НАТО рекоа дека иднината на Украина е во Алијансата, а НАТО ќе претстави конкретни чекори за приближување на Украина кон членството во НАТО.

Некои американски законодавци изразуваат загриженост за подготвеноста на Украина да се приклучи на Алијансата дури и кога земјата во војна, се обврзува на внатрешни реформи.

Но, фокусот на Самитот не е само на Украина и европската безбедност. Аналитичарите наведуваат дека НАТО, исто така, почнува да истражува за наметнување и поголема улога во Индо-Пацификот.

На прославата на 75-годишнината на НАТО, повеќе од дваесетина инфлуенсери на социјалните медиуми се поканети да ги следат разговорите на Самитот и да креираат содржина со која ќе се одбележи пресвртницата на НАТО.