Васил Бариљук е украински воен ветеран од регионот Днепар. За време на украинската контраофанзива загубил нога.

„Бевме на минско поле во 2 часот по полноќ – а мините е невозможно да се видат дури и преку ден! Тревата беше порасната, сè беше обраснато“, раскажува Бариљук.

Бариљук добил вештачка протеза за нога во Центарот за рехабилитација во Лавов, а од Данска добил специјална помош за опрема за трчање.

Ласе Вернер Мадсен ја води компанијата и вели дека Бариљук е само еден од над 20-те илјади Украинци на кои им е потребна протетика.

„Едно нешто што е заедничко за сите овие луѓе е дека секој од нив ќе има потреба од протетика во следните 60 години“, вели Мадсен.

На 12 март освои две злата медали за репрезентацијата на Украина. Со вештачка нога, Бариљук победи на трките на 100 и 200 метри. Во трката на 100 метри, Украинецот не само што ги надмина своите конкуренти во категоријата, туку беше побрз од оние со сите екстремитети.

Игрите на американските воздухопловни сили и маринскиот корпус во воздухопловната база Нелис се првиот меѓународен натпревар за Бариљук во неговата ветеранска кариера.

За да влезе во тимот од 30-тина во Украина, тој помина низ двонеделен процес на селекција заедно со стотици кандидати во спортскиот комплекс Конча во близина на Киев.

Вели дека протезата и способноста да се натпреварува му го промениле животот.

„Спортот за мене значи дисциплина, начин да стекнам контрола и да се пронајдам себеси“, вели Бариуљук.

Бариљук има само 22 години. Тој продолжува со обуката, како и со потрагата по нова енергија во животот како повреден ветеран.