На 15 јануари, огромен бел балон беше забележан на брегот на Хаинан, островска провинција во југоисточна Кина. До 28 јануари, тој влезе во воздушниот простор на САД над Алјаска и продолжи да плови кон југ над Канада. Од 31 јануари до 4 февруари, тој минуваше низ континенталните Соединетите Американски Држави додека не беше уништен од американски борбен авион во близина на брегот на Јужна Каролина. Настанот предизвика нова тензија меѓу Соединетите Држави и Кина.

Од мистериозниот балон до загриженоста за приватноста на ТикТок; трговска војна и трка за одредување кој ќе биде водечки извозник на полупроводници, прашањата што влијаат на односите меѓу САД и Кина се предизвикувачки во последниве години. Но, историјата открива декади на затегнати дипломатски врски меѓу двете најголеми светски економии. Гласот на Америка се осврнува на она што се случуваше во изминативе 50 години.