Претседателот Џо Бајден порасна во оваа куќа ... во работничка населба ... во овој североисточниот град на САД. За разлика од своето потекло, Бајден рече дека Доналд Трамп нема контакт со реалноста.

„Тој гледа на економијата од Мар-а-Лаго, каде што тој и неговите богати пријатели ги прифаќаат неуспешните политики што ги пропаднаа работничките семејства. Вредностите на Скрентон или вредностите на Мар-а-Лаго? Ова се конкурентните визии за нашата економија кои ги поставуваат прашања за фундаментална правичност во срцето на оваа кампања“, рече Бајден.

За време на почетокот на мандатот на Трамп, економијата беше силна со невработеност од 3,5 проценти.

„Сите беа среќни. Сите заработуваа пари. Сите беа добри“, вели Ди Бојсверт, поддржувач на Трамп од Њу Хемпшир.

Но, тогаш дојде пандемијата. Во последната година на Трамп, невработеноста се искачи на 14,7 отсто. Стапката на невработеност минатиот месец се врати на 3, 8 проценти.

„Она што Џо Бајден го направи за економијата, е најдобрата економија што сме ја имале како и најниската невработеност“, смета Хауард Вебстер, поддржувач на Бајден од Аризона.

Критичарите го нарекоа пристапот на претседателот Бајден како бајденомика, но и Бајден го прифати терминот и рече дека тоа им помага на обичните Американци.

„Гледам како економијата во Америка расте во средната и долната класа – тоа значи дека за средната класа тоа е добро, а и сиромашните имаат шанса“, рече Бајден.

Но, многумина се согласуваат дека инфлацијата е превисока, иако падна на околу 3,5 проценти. Гласачите сè уште го обвинуваат Бајден. Истото го направи и поранешниот претседател Трамп.

„Мораме да му објасниме на американскиот народ што се случува, Тие гледаат што се случува на границата, ја гледаат инфлацијата и ја гледаат економијата, што е страшно“, рече Трамп.

Како претседател, политиките на Доналд Трамп во голема мера ги фаворизираа американските прозиводи. Тој продолжува и сега во својата кампања, зборувајќи за автомобилите произведени во Мексико.

„Ќе поставиме царини од 100 проценти за секој автомобил што ќе дојде преку границата, и нема да сте во можност да ги продавате тие автомобили“, истакна Трамп.

Овонеделната анкета на Ројтерс покажува дека Американците веруваат дека Трамп ќе се справи со економијата подобро отколку сегашниот претседател.