10 години од Берлинскиот процес, Западен Балкан се уште далеку од членство во ЕУ

Вака беше во август 2014 кога во германската престолнина се собраа лидерите на шесте земји од Западен Балкан и земјите членки на ЕУ на иницијалниот самит на Берлинскиот процес.

Процесот замислен како платформа за зголемување на соработката меѓу западнобалканските држави и Европската Унија во изминатите 10 години даде ефекти, особено во подоготвката за идното членство, но и во мобилноста на граѓаните и креирањето позитивна клима меѓу соседите. Токму за тоа, но и за идните чекори денеска се дебатираше во Собранието каде беше презентиран напредокот на Северна Македонија во Берлинскиот процес.

Германија, една од клучните членки на Унијата ја потврдува посветеноста за натамошното проширување кон Западен Балкан.

Но, и по 10 години од почетокот на Берлинскиот процес, ниту една од земјите од Западен Балкан не само што не стана членка на Унијата, туку ниту направи посериозен исчекор во процесот на приближување.

За тоа што треба новата влада да преземе за забрзување на пристапниот процес денеска во Брисел, на првата нивна средба, разговараа еврокомесарот за проширување Вархеји и министерот за европски прашања Муртезани.

Наредниот самит на Берлинскиот процес, на кој ќе се одбележи 10-годишнината од неговиот поечток, ќе се одржи овој октомври токму во Берлин.