Претседателот Бајден им рече на работниците за челик во Пенсилванија дека ќе ги заштити нивните работни места од евтиниот кинески увоз.

„Цените се неправедно ниски бидејќи кинеските компании за челик не треба да се грижат дали ќе остварат профит бидејќи кинеската влада ги субвенционира. Тие не се натпреваруваат, тие само лажат, а ние ја гледаме штетата што се прави во Америка“, рече Бајден.

Бајден вети дека ќе се спротивстави на нелојалната кинеска конкуренција, нарекувајќи го Пекинг „ксенофобичен“.

Портпаролот на кинеското Министерство за надворешни работи Лин Цијан вели дека обвинувањата за ксенофобија се лицемерни кои доаѓаат од земја за која вели дека треба да ги укине своите протекционистички мерки против Кина.

„Кина е запознаена со релевантните извештаи. Но, Кина би сакала да праша: „Зборувате за Кина или за САД?“, праша Лин Цијан, Портпарол на кинеското Министерство за надворешни работи

Дејствувањето на Бајден против кинескиот челик се надоврзува на царините наметнати од неговиот претходник, Доналд Трамп, кој постави данок од 25 отсто за дел од кинескиот челик.

Во претседателската кампања на Трамп во изјава за Гласот на Америка се цитира: „Во кампањата на Бајден се напаѓаа ефективните царини на претседателот Трамп за Кина – додека Белата куќа сега планира да спроведе слични царини“. Од кампањата на Трамп додаваат: „Тимот на Бајден е или управуван од лицемери или луѓе кои не знаат што прават“.

Една разлика во пристапот на кандидатите е тоа што Трамп ги користеше царините пошироко за да влијае на новите трговски договори, вели Рејчел Зиемба од Центарот за нова американска безбедност.

„Тие ги користеа царините делумно како потпора за ресетирање на трговските договори. Сега администрацијата на Бајден користи царини и се обидува да ги таргетира, но исто така користат и индустриска политика и други стимулации во обид да го поттикнат американското производство, да ги охрабрат странските, но и американските компании да инвестираат во САД“, вели Рејчел Зиемба од Центарот за нова американска безбедност.

Работниците за челик во Пенсилванија се важен глас во државата што може да помогне да се променат овие избори за кој било кандидат.

Кампањата на Бајден заврши со оваа реклама во која се појавува работник во фабрика за челик од Пенсилванија, ЏоЏо Бурџис.
„Во моментов, на функцијата го имаме најпроамериканскиот работнички претседател на сите времиња во оваа земја. Доналд Трамп се грижи само за една личност и само една личност, а тоа е Доналд Трамп“.

Трамп водеше кампања за придобивка на гласовите од синдикатот велејќи им на работниците дека прописите на администрацијата на Бајден се напад на нивните работни места.

„Автоиндустријата се уништува и нема разлика што ќе добиете. Не ми е гајле што добивате во следните две недели или три недели или пет; фабриките ќе се затворат и тие автомобили ќе се прават во Кина или на други места“, рече Трамп.

Анкетата на Ен-Би-Си Њуз претходно оваа година покажа дека гласачите на синдикалните домаќинства го фаворизираат Бајден пред Трамп, но со помала разлика отколку во 2020-тата година.