Раководството на етничките Ерменци на отцепениот Нагорно-Карабах денес рече дека сè уште нема конкретни резултати од разговорите со Азербејџан за можни безбедносни гаранции или амнестија што Баку ја предлага по офанзивата на регионот.
Азербејџан предвидува амнестија за ерменските борци од Карабах кои се откажуваат од оружјето, иако некои ветија дека ќе го продолжат својот отпор, изјави за Ројтерс Хикмет Хаџиев, советник за надворешна политика на претседателот на Азербејџан.
Ерменците од Карабах рекоа дека договор сè уште не е постигнат.
„Се` уште нема конкретни резултати“.
Сепак, постигнат е договор хуманитарен конвој да се движи од Ерменија преку коридорот Лачин денес.
Седум руски мировни возила, вклучително и големи камиони, денес поминаа ерменски контролен пункт кој се движеше кон Нагорно-Карабах, изјави репортерот на Ројтерс од местото на настанот.
Иднината на Карабах и неговите 120.000 етнички Ерменци виси на конец: Азербејџан сака да го интегрира отцепениот регион, но етничките Ерменци рекоа дека светот ги оставил на судбина која може да вклучи етничко чистење.
Азербејџанскиот претседател Илхам Алиев вети дека ќе ги гарантира нивните права, и дека регионот ќе биде претворен во „рај“ како дел од Азербејџан.
Тврдењето на Азербејџан за победа над регионот внесува уште еден пресврт во бурната историја на планинскиот Нагорно-Караба.
Тоа, исто така, може да ја промени деликатната рамнотежа на силите во регионот на Јужен Кавказ, со нафтоводи и гасоводи, каде Русија, САД, Турција и Иран се тепаат за влијание.
