Училиштата во Оклахома ќе го евидентираат имиграцискиот статус на родителите и учениците при уписот според предлогот на државниот надзорник Рајан Волтерс.

„Нашето правило околу обработката за илегалната имиграција е едноставно. Треба да се земе предвид колку ученици на илегални имигранти има во нашите училишта“, вели Волтерс.

Во изминатите четири години, Волтерс вели дека проценува дека Оклахома потрошила повеќе од 470 милиони долари за едукација на деца на мигранти без документи.

„Тоа се ресурси. Тоа е персонал кој треба да го имаме за учебната година за да се задоволат потребите на тие ученици. Тоа се бројки за кои немавме информации досега“, додава Волтерс.

Пратениците од Оклахома го прифаќаат предложеното правило, кое ќе ги евидентира, но нема да ги спречи недокументираните мигранти да посетуваат државни училишта.

Самира Изагире дојде во САД од Мексико пред повеќе од 20 години. Како легална имигрантка и мајка на шест деца вели дека предложеното правило може да значи помалку деца без документи кои ќе одат на училиште.

„Децата треба да бидат надвор од политиката“, вели Изагире.

Во Тулса, администраторите на јавните училишта им рекоа на родителите дека нема да ги собираат тие информации за имиграцијата.

Во соопштението на окружниот портпарол Кристофер Пејн се наведува одлуката на Врховниот суд од 1982 година дека сите деца имаат право на јавно образование без оглед на нивниот имиграциски статус.

Протестирајќи против предложеното правило, учителот од Оклахома, Фернандо Бакера, рече дека тоа веќе создава страв.

„Не е во ред да внесувате страв кај учениците и потоа да се обидувате да ги исфрлите од ова бесплатно образование што нашиот Устав вели дека го има секој, независно од тоа кој сте или од каде доаѓате“, вели Бакера.

Но, желбата на Волтерс за пребројување на студенти без документи има смисла за Тод Хјустон.

„Она што всушност го предлага Рајан Волтерс, што е многу фер, им помага на училиштата како треба да се распределат“, посочува Хјустон.

За предлогот на Волтерс има загриженост кај некои родители од Оклахома, вели членот на училишниот одбор во Тулса, Елена Ешли.

„Тој честопати ги кажува тешките работи што луѓето не се подготвени да ги кажат. Тие сакаат да знаат дека нивните деца се безбедни и сакаат да знаат дека можат правилно да се едуцираат во училниците и да се чувствуваат удобно“, смета Ешли.

Волтерс вели дека со закон ќе биде обврзан да ги сподели информациите за училишната имиграција со другите власти.

„Ако службеник за спроведување на законот дојде и побара информации, законски сме обврзани да ги дадеме тие информации“, истакнува Волтерс.

По гласањето на државниот училишен одбор за испраќање на предложеното правило за имиграција до законодавниот дом, гувернерот на Оклахома, Кевин Стит, минатата недела отстрани тројца членови на одборот, наведувајќи ги ниските резултати на националните тестови и она што тој го нарече „непотребна политичка драма“.