За вкусови од Азија, Хјустон, Тексас нуди повеќе опции. Храната што се наоѓа овде ги одразува азиските култури во окрузите на поширокиот Хјустон. Еден од нив е приградската област Форт Бенд, каде што Азијците сочинуваат повеќе од 21% од населението.

Тоа, исто така, е местото каде што живее имигрантката од Кина, Џеј Џеј Клеменс.

„Мислам дека за кој било од вклучените, навистина не можат да си дозволат да ја игнорираат азиската заедница“, вели Клеменс.

Азиските Американци се меѓу најбрзо растечките етнички групи во САД, според податоците од пописот. Одѕивот на гласачите од оваа заедница, исто така, забележа рекордно зголемување на изминатите два претседателски изборни циклуса.

Демократската кандидатка за претседател, Камала Харис, забележа и неодамна објави две реклами насочени кон Азијците.

Повеќе азиски Американци се нарекуваат себеси демократи отколку републиканци. Една причина: повеќе од половина од азиските американски гласачи се имигранти.

„Мислам дека политиката на Трамп многу им наштети на малцинствата“, вели Беки Ким, Американка од Кореја.

„Голем дел од неговите политики не само што беа насочени кон илегалните имигранти од Мексико или Јужна Америка, туку и ја ограничија легалната имиграција“, смета Ричард Мареј од Универзитетот од Хјустон.

Сепак, истражување од 2024 година на азиските американски гласачи покажа дека 22% се идентификуваат како републиканци.

„Помалку владино регулирање е она што го сакаат Азијците. Знаете, повеќе слобода и помалку данок“, смета Даниел Вонг, Американец со потекло од Кина.

Истражувањето, исто така, покажа дека 31 отсто од азиските американски гласачи се идентификуваат како независни. Но, 42 отсто од анкетираните азиски американски гласачи велат дека не биле контактирани од политички кандидати или политичка партија.

Даниел Вонг, кој бил избран да работи во локална канцеларија, вели дека азиските американски гласачи се делумно одговорни.

„Ние не сме организирани; не го разбираме американскиот политички систем. Затоа не знаеме како да се собереме со ентузијазам за која било заедничка цел“, вели Вонг.

Проектираните 15 милиони азиски Американци со право на глас имаат потекло од различни земји. Обединувањето на азиските гласачи било тешко.

Да ги натераат Азијците да донираат за кампањи, исто така, било предизвик. Нешто што Вонг го видел кога се кандидирал за место во градскиот совет.

„Азијците не се навикнати да донираат за политички цели. Тие не разбираат како тоа функционира“, вели Вонг.

И Клеменс се кандидирала за локална функција.

„Азиското општество, мислам дека не е како христијанска заедница. Тие (христијаните) имаат навика да даваат. Значи, мора да ги едуцирате (Азијците) и треба да им пристапите“, вели Клеменс.

За време на последните претседателски избори гласале близу 60% од азиските Американци. Политичките активисти велат дека формирањето односи со новите азиско-американски граѓани и нивното едуцирање за политичкиот процес ќе ги мобилизира да се вклучат.