Кинескиот министер за надворешни работи ги засили вербалните напади на неговата земја врз САД на прес-конференција во Пекинг.

„Каде е кредибилитетот на една голема сила ако САД секогаш кажуваат едно, а прават друго? Каде е довербата во големата сила ако таа станува вознемирена од самото спомнување на Кина?“, изјави кинењскиот министер за надворешни работи, Ванг Ји.

Овој тон беше контраст од септември, кога американскиот претседател Џо Бајден се сретна со кинескиот претседател Шји Џјинпинг во Калифорнија.
Тој состанок помогна да се стабилизираат односите меѓу САД и Кина.

Сега, Ванг Ји го обвини Вашингтон дека не ги почитува своите ветувања и рече дека САД се обидуваат да ја контролираат Кина преку санкции.

„Желбата да се обвини Кина со каков било изговор достигна неверојатно ниво“, додаде Ји.

Дури и откако продолжија разговорите на високо ниво, САД ги проширија санкциите против Кина за низа прашања, од кршење на човековите права до односите со Русија.
На прес-конференцијата, Ванг ја бранеше поддршката на Кина за Русија, дури и во услови на војна на Москва во Украина.

Тој, исто така, го продолжи притисокот врз Тајван, пред инаугурацијата на претседателот, кој Пекинг го смета за сепаратист.

И во услови на сè понапнатиот територијален спор со Филипините во Јужното Кинеско Море, Ванг вети дека ќе одговори на, како што рече, провокациите и мешањето од надворешни сили.
Коментарите дојдоа додека Кина одржува годишен состанок на својот Парламент под засилени безбедносни мерки во Пекинг.

Состанокот има за цел да прикаже позитивно искривување за многуте проблеми со кои се соочува кинеската економија.

Многу аналитичари ги гледаат коментарите на Ванг како начин да се постави тонот за надворешната политика на Кина за оваа година.