Африка не е монолит. Има вртоглава богата историја, ресурси и традиции, и многу проблеми со кои се соочуваат многу млади држави.

И додека најбрзо растечкиот континент во светот игра релативно мала улога на оваа сцена, лицето кое следно ќе живее во Белата куќа, без разлика дали тоа е поранешниот републикански претседател Доналд Трамп или демократскиот претседател Џо Бајден, ќе треба да направи политички избори кои се однесуваат на брзопроменливите економски и безбедносни услови во Африка.

Минатиот став на Трамп за Африка, велат тие, може да се сумира со еден збор, што тој наводно го користел за да ги опише африканските земји и карипската нација Хаити.

„Мислам, тој го користеше овој израз за да се осврне на голем број земји во Африка. И тогаш тој водеше стратегија и политика која навистина беше фокусирана на обидот да се разгледаат горливите прашања во Африка, безбедносните прашања, тешките прашања. Но, навистина немаше поголема стратегија“, вели Мајкл Волш, аналитичар од Институтот за истражување на надворешните политики.

Бајден го истакна партнерството поттикнато од вредности на континентот, но голем дел од тоа беше засенето од притисокот на неговата администрација против руското влијание во Африка и поддршката на САД на Израел.

„Мислам дека Африканците, исто така, гледаат подалеку од нашите политики во Африка, гледајќи ја војната на Блискиот Исток, војната во Газа и поддршката на САД за Израел, на пример, или барањата африканските земји да не соработуваат или да се вклучат во односи со Русија. Така, мислам дека тие гледаат одреден степен на лицемерие во политиките на администрацијата на Бајден на глобално ниво. И тоа не им прави многу нови пријатели во Африка“, вели Камерон Хадсон, аналитичар од Центарот за стратешки и меѓународни студии.

Ова е нешто што Јужна Африка го истакна, обвинувајќи го Израел за кршење на Конвенцијата за геноцид на Обединетите нации, со историски случај во највисокиот суд на ОН.

Администрацијата на Бајден, на прашањето на Гласот на Америка во јануари, го отфрли случајот како „неоснован“.

Аналитичарите велат дека овој удар врз кредибилитетот на Америка ги повикува противниците да ги искористат предностите.

„Ќе ви треба тој кредибилитет, бидејќи во еден момент некој ќе каже, или друга велесила ќе се вклучи и ќе каже: ние искрено не се грижиме за човековите права во ниту еден дел од светот, и затоа, барем, тоа не` прави подобри“, посочува Мирет Мабрук, од Институтот за блискиот исток.

Хадсон вели дека следниот претседател на САД ќе се соочи со поохрабрен континент.

„Мислам дека кој било нов американски претседател ќе мора да се бори со опаѓачкото влијание што Вашингтон го има на континентот Африка и со повеќе африкански земји кои ги бараат своите права и привилегии и зборуваат сè пообединето“, додава Хадсон.

Можеби постои начин да се помогне да се сврти тој бран. Сопругите на кандидатите остварија официјални посети на Кенија, Намибија, Египет и Малави, додека претседателот Бајден ја испрати потпретседателката Камала Харис во Гана, Танзанија и Замбија.

Сепак, ниту тој, ниту Трамп, не го посетија континентот како претседатели.