„Хеликс“, направен од компанијата Пивотал од Силиконската долина, е меѓу првите електрични авиони што летаат на начин што некои го нарекуваат нова ера на воздушна мобилност.

Авионите кои можат да полетуваат вертикално, и на кои не им е потребна писта, а потоа да летаат како авион, се очекувани со децении. Напредокот во технологијата на моторот и лесните материјали помогнаа да се дојде до ова, вели извршниот директор на Пивотал, Кен Карклин.

Хеликс најмногу ќе им се допадне на оние кои сакаат да летаат и кои можат да си дозволат личен авион од 200 000 долари кој моментално е ограничен поради батериите кои овозможуваат 20-минутно летање.

Повеќето луѓе веројатно би го имале своето прво искуство со електричен авион во воздушно такси.

Авионот подлежи на владин безбедносен тест, ако сѐ се движи по планираното, компанијата вели дека тие ќе бидат достапни за клиенти до крајот на 2025 година.

Арчер има планови да нуди воздушни такси услуги во неколку градови во САД, вклучително и во Сан Франциско, каде што воздушното такси би летало меѓу постоечките аеродроми и новиот „вертипорт“. Компанијата проектира дека патниците би платиле билет кој би можел да се спореди како заеднички превоз до иста локација.

Поттикнати од потрагата по летови со нулта емисија и пониски трошоци за работа, стотици производители ширум светот се борат да лансираат своја верзија на електричен авион. Заедно со ширењето на беспилотните летала, воздушниот простор може да се преполни.