Линкови за пристапност

Поради застојот со читачите: Гласање и после 19 часот за лица во кругот на избирачките места


ДИК е едногласна. Ќе се продолжи гласањето за сите лица што ќе се најдат на тоа место. Но, не само на тоа место, туку и во дворот. Мора да гласаат сите, рече претседателот на ДИК, Александар Даштевски

Поради застојот со читачите: Гласање и после 19 часот за лица во кругот на избирачките места

Секој што до 19 часот ќе биде во кругот на избирачкото место, вклучително и дворот на училиштата, градинките, или објектите во кои се врши гласањето, ќе може да го оствари своето гласачко право. Ова го соопшти претседателот на Државната изборна комисија, Александар Даштевски, после сознанијата за бројните прекини во гласачкиот процес.

Локални избори: Гласање со повремени застои и редици
please wait

No media source currently available

0:00 0:01:11 0:00


„ДИК е едногласна. Ќе се продолжи гласањето за сите лица што ќе се најдат на тоа место. Но, не само на тоа место, туку и во дворот. Мора да гласаат сите. Тоа ќе биде со наше соопштение, што ќе се испрати до избирачките обори. Толку луѓе, колку што се нашле на местото, мора да гласаат“, рече Даштевски.

Ќе се продолжи гласањето за сите лица што ќе се најдат на тоа место. Но, не само на тоа место, туку и во дворот. Мора да гласаат сите
Александар Даштевски, Претседател на ДИК


Претседателот на ДИК објасни дека застои се појавуваат од повеќе причини, при што истакна дека самиот избирачки список им дупло повеќе страни, но и дел од примероците од отпечатоци од прсти што ги добиле од МВР не биле целосно читливи.

„Избирачкиот список има дупло повеќе страни, некои од отпечатоците се лоши, па се проверуваат дополнително. Има и анти-ковид мерки, па затоа сè се одвива подолго. Но, на сите ќе им се овозможи да гласаат“, нагласи Даштевски.

Според податоците на ДИК, до 15 часот излезноста е нешто над 31 процент на територијата на целата држава.

До сега биле поднесени 134 приговори. Од нив засега 63 се прифатени, а десет биле одбиени.

Претседателот ДИК соопшти и дека дошло до прекини на дваесетина избирачки места низ државата и тоа во траење од петнаесетина минути, до повеќе од два часа.

Така во Ново Село имало прекин повеќе од два часа, по што гласањето продолжило по стариот начин, со спреј и УВ-ламба, исто како и во Старо Нагоричане. До прекин од час и половина поради електронскиот читач дошло и на гласачко место 2867 во Општина Центар.

Таму каде што техничките екипи не успеале да ги стават уредите во функција, гласањето продолжило со спреј, ув-ламба и оставање отпечаток врз хартија во избирачкиот список.

„На седум места се гласа по стариот начин, со УВ ламба и спреј. Мислам дека тоа не е многу. Гласањето продолжува да се одвива нормално“, истакна Даштевски.

XS
SM
MD
LG