Воени авиони на САД погодија посредници во Ирак поддржани од Иран како одговор на серијата напади врз американските и коалициските сили во последните денови.
Американските власти соопштија дека воздушните напади, започнати во раните утрински часови (12:15 часот) во средата по локално време, биле насочени кон три објекти во западен Ирак што ги користат Хезболах и други ирански прокси групи.
„Овие напади беа насочени кон штабот, складиштата и локациите за обука на КХ [Катаиб Хезболах]“, се вели во соопштението од Централната команда на САД, која ги надгледува американските сили во регион.
Американскиот секретар за одбрана Лојд Остин предупреди дека Вашингтон не ја исклучува можноста за дополнителни напади, доколку е потребно.
„Ние не бараме ескалација на конфликтот во регионот“, рече Остин во соопштението, додавајќи:
„Ние сме целосно подготвени да преземеме дополнителни мерки за заштита на нашиот народ и нашите објекти“.
„Ги повикуваме овие групи и нивните ирански спонзори веднаш да ги прекинат овие напади“, рече тој.
Новите напади на САД дојдоа веднаш откако милитантите поддржани од Иран ја нападнаа воздухопловната база Аин ал Асад во западен Ирак со еднонасочни јуришни беспилотни летала.
Базата, исто така, во саботата беше цел на бараж балистички ракети лансирани од внатрешноста на Ирак.
Додека повеќето од проектилите беа соборени, портпаролот на Пентагон, генерал-мајор Пат Рајдер, рече дека оние што паднале на базата предизвикале трауматски повреди на мозокот кај четворица од американскиот персонал.
Имаше повеќе од 150 напади врз американските сили во Ирак и Сирија по терористичкиот напад на Хамас против Израел на 7 октомври, при што беа повредени најмалку 83 Американци во Ирак и Сирија, изјави претставник на американската одбрана за Гласот на Америка.
Сите освен двајца се вратиле на должност.
