Премиерот Бенјамин Нетанјаху ѝ нареди на израелската војска денес да подготви план за евакуација на палестинските цивили од преполниот град Рафах во јужниот дел на Газа и да ги порази последните борци на Хамас таму.
Неговата канцеларија го објави овој потег како зголемен притисок врз Израел поради неговата закана да изврши копнен напад врз Рафах, последното засолниште за стотици илјади Палестинци кои се заробени во градот, откако избегаа од борбите на друго место.
Американскиот претседател Џо Бајден вчера рече дека одговорот на Израел на нападите на милитантите на Хамас на 7 октомври е „претеран“, и Вашингтон рече дека нема да поддржи каква било воена операција започната во Рафа, без соодветно внимание за цивилите.
Хуманитарните групи рекоа дека ќе има висок број на загинати Палестинци доколку израелските сили упаднат во Рафах и предупредија на растечката хуманитарна криза во градот, на границата со Египет.
„Невозможно е да се постигне целта на војната без да се елиминира Хамас и ако се остават четири баталјони на Хамас во Рафах. Напротив, јасно е дека интензивната активност во Рафах бара цивилите да ги евакуираат областите на борба“, соопшти канцеларијата на Нетанјаху во изјава.
„Затоа, премиерот Бенјамин Нетанјаху им нареди на Израелските одбранбени сили и безбедносниот естаблишмент да достават до Кабинетот комбиниран план за евакуација на населението и уништување на баталјоните“.
Соопштението, објавено два дена откако Нетанјаху го отфрли предлогот на Хамас за прекин на огнот кој предвидува ослободување на заложниците, не даде дополнителни детали.
Рафа се` повеќе станува фокус на израелската воена кампања во Газа, како што неговите сили ја пренасочуваат офанзивата кон југ, како одговор на нападот на Хамас на 7 октомври.
Повеќе од половина од 2,3 милиони жители на Газа сега се засолнети таму, многу од нив затскриени на граничната ограда и живеат во импровизирани шатори.
Лекарите и хуманитарните работници во Рафа се борат да обезбедат дури и основна помош и да спречат ширење на болести.
