Воздухопловниот пазар на Индонезија е вториот најбрзо растечки пазар во светот, веднаш до Кина, според Меѓународната трговска администрација на САД.

Во државната Комерцијална корпорација за авиони на Кина, Пекинг го покажува својот нов авион Ц-9-1-9, и се обидува да продолжи во бизнисот во кој доминираат американските и европските воздушни гиганти Боинг и Ербас.

Бају Сутанто, шеф на Националната асоцијација на авиопревозници на Индонезија, вели дека има можности за Кина во овој дел од светот.

„Постојат можности бидејќи воздухопловната индустрија е динамична, а потребите на секоја нација се исто така различни и не можат да бидат задоволени од една компанија или еден тип на авиони“, вели Сутанто.

Комерцијална корпорација за авиони на Кина отиде на промотивна турнеја во шест земји од Југоисточна Азија, вклучително и Индонезија, во февруари и март.

Аналитичарот Алвин Ли вели дека Комерцијална корпорација за авиони на Кина можеби се надева дека ќе ги искористи проблемите со безбедноста и снабдувањето кои влијаат на Боинг и Ербас.

„Боинг има проблеми со безбедносни прашања, додека Ербас има долга редица производство, времето на чекање може да биде до 5 години. Ова е добра можност за Ц-9-1-9 чиј капацитет е еквивалентен на Ербас А320 и Боинг 737“, посочува Ли.

Но, за да можат да оперираат во други земји, авионите мора да бидат сертифицирани од локалната управа за цивилно воздухопловство на секоја земја.

И досега, ниту една земја во Југоисточна Азија нема сертификат за Ц-9-1-9. Ли вели дека помалиот авион на Комерцијална корпорација за авиони на Кина е сертифициран од Управата за цивилна авијација на Индонезија и тоа би можело да ги олесни новите сертификати.

„Ако сте запознаени со производителот процесот е побрз, но постапката е иста“, додава Ли.

Боинг предвидува дека бројот на комерцијални авиони што летаат во Југоисточна Азија би можел да се зголеми четирикратно на над 4.000 авиони за помалку од 20 години. И Кина притиска да се осигура дека нејзините авиони ќе бидат меѓу нив.