Џефри Пјат, помошник-државен секретар на САД за енергетски ресурси, во интервју за Украинската редакција за Гласот на Америка, зборуваше за тоа како плановите на Путин да ја искористи зимата како оружје во војната против Украина не функционираат, како и дека енергетските санкции функционираат и значително ги оштетиле финансиите на Русија. Тој исто така, зборуваше и за решеноста на Западот да ѝ помогне на Украина да може да извезува енергија по победата.
Глас на Америка: Енергијата е во центарот на руската војна против Украина. Видовме дека Русија ја нападна енергетската инфраструктура во Украина обидувајќи се да ги лиши Украинците од ресурси. Во исто време, Русија зависи од приходите од нафтата за финансирање на војната. Значи веќе една година, каде се наоѓаме во енергетската војна на Русија?
Пајат: Мислам дека најважното нешто што сега го знаеме е само неверојатната издржливост на украинскиот народ, украинските енергетски работници кои направија толку многу за да се осигураат дека напорите на Путин да ја вооружи зимата не беа успешни. За мене беше неверојатно влијание што бев во Киев во декември на денот на најголемиот бран воздушни напади што во тој момент го видовме таму, и да видам како работниците во Укренерго се движат толку брзо за да го вратат капацитетот. Бев многу горд што бев дел од група од целата американска влада кои работат заедно за да донесат ресурси во Украина за да помогнат во решавањето на непосредните барања. Има многу штета. Ќе треба многу работа за да се врати енергетскиот систем. Но, исто така, бевме многу импресионирани од она што го слушнавме од премиерот, од вицепремиерот Курбаков за решителноста да се изгради поотпорен, поодржлив поевропски енергетски систем, што е она што украинскиот народ толку богато го заслужува.
Беше брутална зима во Украина. Многу енергетска инфраструктура е уништена. Исто така, видовме голема поддршка и помош од меѓународната заедница и од САД.
Глас на Америка: Сега, пролет е, дали мислите дека сè уште постои такво чувство на итност во поддршката на украинската енергија?
Пајат: Апсолутно. Ние како САД и сите наши партнери во Г-7 остануваме целосно посветени. Правам на секои две недели видеоповик со партнерите од Г-7, секој ден луѓето овде во Стејт департментот, AID и DOE кои работат ширум светот и работат со нашите партнери во Киев за да ги идентификуваат барањата за нарачка на некои од артиклите што ќе потрае подолг временски период за замена. САД минатата година издвоивме 53 милиони долари за дополнителна опрема за поддршка на мрежата. Сега сме во процес на набавка за уште 125 милиони итна енергетска поддршка. И штотуку го направивме известувањето до Конгресот за уште двесте и педесет милиони долари од владините ресурси на САД за нови автотрансформатори за опрема за да се изгради еластичноста и одржливоста на украинската енергетска мрежа, и да помогнеме во унапредување на некои од овие проектите за кои зборува вицепремиерот Кубраков кои се дел од децентрализацијата на украинската мрежа, градење систем помалку зависен од нафта и гас и повеќе фокусиран на обновливи извори на ветер и соларни ресурси кои и се потребни на Украина. На крајот на оваа војна, кога Украина ќе постигне победа, ги имам сите причини да очекувам дека Украина ќе се врати на својата позиција како значаен извозник на енергија. Украина има огромни ресурси што добро го знаете и ние сакаме да се осигураме дека правиме се` што можеме за да ѝ помогнеме на украинската влада, како што ми рече премиерот кога бев таму во декември да се изгради подобро.
Глас на Америка: Служевте како амбасадор на САД во Украина. Каква улога може да има Украина во европската енергетска безбедност во иднина, спомнавте дека всушност може да извезува струја. Како е тоа можно? Исто така, дали може да коментирате каква улога може да има Украина во транзицијата на зелената енергија?
Пајат: Украина има една од најголемите нуклеарни флоти во Европа сè додека не почнаа воздушните напади и нападите во октомври. Украина сè уште извезуваше електрична енергија во остатокот од Европа. Украина има фантастични ветерни и соларни ресурси. Сум видел многу од ова. Голем дел од окупираните области денес долж Азовскиот брег на Украина се многу посветени на транзицијата кон водород, на искористување на биомасата и исто така искористување на значајните ресурси на Украина за нафта и гас. Многу од овие ресурси би можеле поефикасно да се искористат со современи техники за екстракција и за апсење на јаглерод и за посредување на вентилација и метан. Сето тоа се инвестиции што САД и нашите европски партнери се посветени да ги направат со Украина. И мислам дека, како што реков долгорочно Украина треба да биде главен извор на динамика за европскиот енергетски систем. Украина има и значителен капацитет за складирање на гас. И едно нешто што е јасно на крајот на оваа војна, Европа никогаш повеќе нема да се стави во позиција да биде зависна од гасоводот од Русија. Така што и тој капацитет за складирање енергија има голема вредност. Така, мислам дека има толку многу начини на кои Украина ќе се врати во центарот на европска енергија.
Глас на Америка: Спомнавте за новиот пакет од двесте и педесет милиони. Која е временската рамка за таа кога мислите дека може да се очекува?
Пајат: Во Конгресот имаме законски период за известување во моментов. Би нагласил многу силна двопартиска републиканска и демократска поддршка за она што американскиот народ го прави во Украина. Гледам дека секогаш кога патувам во земјата и зборувам со луѓе надвор од Вашингтон, разговарав со персоналот на Сенатот. Не слушнав значителни приговори. Затоа очекувам дека овие 250 милиони ќе бидат одобрени за ослободување од Конгресот исто како што се случи во минатото. И штом тоа ќе се случи, ние ќе работиме со нашите колеги во Агенцијата за меѓународен развој, DOE што е можно побрзо, работејќи со нашите партнери во Киев со цел да се идентификуваат набавките што ќе помогнат да се направат две работи одеднаш за да се поправи страшната штета што Владимир Путин ѝ ја нанесе на украинската енергетска мрежа од октомври, а исто така и за да помогне Украина да се постави на патот кон овој модерен европски енергетски систем што владата го идентификуваше како своја цел.
