Несигурноста во поддршката на Америка за Украина би испратила поинаква порака и опасна порака, изјави Пентагон.
„Ако САД престанат да ја поддржуваат Украина, треба да ни биде јасно за последиците. Путин нема да запре и неговата потрага по моќ и контрола надвор од границите на Украина кон НАТО“, рече Сабрина Синг, заменик-портпаролка на Пентагон.
Таа кажа дека „ако Путин нападне сојузник во НАТО, ќе се најдеме во директен конфликт бидејќи сме посветени да ја браниме секоја педа од НАТО“.
„ Можеме да ја направиме одговорната работа и да платиме сега за да ѝ помогнеме на Украина или можеме да платиме многу повеќе подоцна“, изјави Синг.
Таа додаде дека „ нашите противници и нашите пријатели гледаат. Кина гледа како ја поддржуваме Украина пред очигледната руска агресија. Ако попуштаме, НР Кина ќе биде охрабрена да преземе уште попровокативни акции во Индо-пацификот“.
Републиканците во Претставничкиот дом најавија дека ќе продолжат со пакет од 17,6 милијарди американски долари кој обезбедува воена помош за Израел и го надополнува американското оружје, но изоставува поголема помош за Украина, нагласувајќи ги предизвиците со кои се соочуваат поддржувачите на сеопфатниот пакет за национална безбедност, кој, исто така, ќе вклучи милијарди долари за спроведување на имиграцијата.