Линкови за пристапност

Нè направивте горди со пожртвуваноста: Благодарност за македонските војници што учествуваа во спасувачка мисија во Турција


Вкупно шеесетина на број, со две кучиња трагачи, беше составот на македонскиот армиски баталјон за спасување
Вкупно шеесетина на број, со две кучиња трагачи, беше составот на македонскиот армиски баталјон за спасување

Вкупно шеесетина на број, со две кучиња трагачи беше составот на македонскиот армиски баталјон за спасување, кој беше меѓу првите состави што за неполни 24 часа пристигнаа во Турција во потрага по преживеани

Директна вклученост во спасувањето на петгодишно дете, како и разновидна помош за повредените, беа дел од повеќедневната хуманитарна спасувачка мисија на македонските специјални армиски сили што во Турција се вклучија во битката за спасување човечки животи после разорните земјотреси.

Вкупно шеесетина на број, со две кучиња трагачи беше составот на македонскиот армиски баталјон за спасување, кој беше меѓу првите состави што за неполни 24 часа пристигнаа во Турција во потрага по преживеани.

Пречек на специјалните армиски сили од спасувачка мисија во Турција
Пречек на специјалните армиски сили од спасувачка мисија во Турција

Во чест на македонските војници денеска беше организиран свечен пречек во касарната „Илинден“ во Скопје.

„Македонскиот народ, сите македонски граѓани ѝ помогнаа на Турција ѝ ќе и помагаат и во иднина не затоа што сме членка на НАТО и сме формални сојузници, туку затоа што нашето пријателство трае со векови наназад и ќе трае со векови нанапред“, рече меѓу другото претседателот и врховен командант на македонските армиски сили, Стево Пендаровски на свеченоста во Скопје.

На војниците им се заблагодари и министерката за одбрана, Славјанка Петровска, која укажа дека нивната пожртвуваност е гордост за македонскиот народ.

Министерката за одбрана, Славјанка Петровска, соопшти дека војниците што беа вклучени во операцијата ќе добијат награда во износ од една просечна плата
Министерката за одбрана, Славјанка Петровска, соопшти дека војниците што беа вклучени во операцијата ќе добијат награда во износ од една просечна плата

„Ви благодариме што го спасивте младиот Сулејман и што му дадовте шанса да порасне во успешен млад човек. Ви благодариме за вашата пожртвуваност и што покажавте дека секогаш сте подготвени да му служите на нашиот народ, но и да им помогнете и на пријателите кога ќе се најдат во неволја“, рече министерката Петровска.

Особено голема благодарност, во име на неговиот народ, упати и турскиот амбасадор во земјава, Хасан Мехмет Секизќок.

Благодарност и од турскиот амбасадор, Хасан Мехмет Секизќок
Благодарност и од турскиот амбасадор, Хасан Мехмет Секизќок

„Храбри чеда на македонската армија, вие пред скоро време се вративте во земјава, но вашата пожртвуваност и огромна солидарност е врежана длабоко во меморијата на турскиот, народ кој ќе се сеќава вечно“, рече амбасадорот Секизќок.

На свеченоста беше соопштено дека армиските учесници во хуманитарната операција ќе добијат и парична награда во износ од една просечна плата.

Последици од катастрофалниот земјотрес во подрачјето Хатај, Турција
Последици од катастрофалниот земјотрес во подрачјето Хатај, Турција

Бројот на загинати што ја погоди Турција ја надмина бројката 41.000 лица, а подрачјето на југозападна Турција и северот на Сирија го погодиле повеќе 6.000 афтершокови. Во двата земјотреса кои се случија на 6 февруари со магнитуди од 7,8 и 7,5 степени, во Турција се урнале повеќе од 20.600 згради со над 384.000 станови.

Според досегашните сознанија, вкупно, со подрачјата во Сирија, во земјотресите загинале повеќе од 44.000 лица. Сепак, за бројките на настрадани во Сирија се очекува допрва да се добијат подетални податоци.

Facebook Forum

XS
SM
MD
LG