Линкови за пристапност

Русија ќе ја врати воената обука во училиштата, вели Британија


Оваа обука вклучува непредвидени ситуации за хемиски или нуклеарен напад, прва помош и искуство со ракување и пукање со пушки калашников, се вели во извештајот на Британското министерство за одбрана
Оваа обука вклучува непредвидени ситуации за хемиски или нуклеарен напад, прва помош и искуство со ракување и пукање со пушки калашников, се вели во извештајот на Британското министерство за одбрана

Британското министерство за одбрана вели дека рускиот министер за образование Сергеј Кравстов рекол оти „воената обука ќе се врати во руските училишта, почнувајќи од септември 2023 година“.

Оваа обука вклучува „непредвидени ситуации за хемиски или нуклеарен напад, прва помош и искуство со ракување и пукање со пушки калашников“.

Според извештајот, „руските власти се обидоа да ја оживеат оваа обука во 2014 година по руската инвазија на Крим. Се надеваше дека иницијативата ќе го подобри квалитетот на регрутите. Осум години подоцна, малку се промени, а квалитетот на руските регрути останува слаб, со низок морал и ограничена обука“.

Русија сега ја подготвува наставната програма за програмата за обука, се вели во извештајот. Изработката на наставната програма се очекува да биде завршена до крајот на годината и потоа да помине процес на одобрување.

„Оваа обука најверојатно има намера да ги подготви студентите со воени вештини како што се приближуваат до возраста за регрутирање и да го зголеми преземањето за мобилизација и регрутирање“, се вели во извештајот.

„Оваа иницијатива, исто така, веројатно ќе биде дел од поширок проект за всадување на идеологија на патриотизам и доверба во јавните институции кај руското население“.

Украинскиот претседател Володимир Зеленски ја поздрави победата на украинските војници во Херсон во саботата.

Зеленски рече дека одбранбените сили ја вратиле контролата врз повеќе од 60 населби во регионот Херсон и вети дека украинските трупи „ќе ја ослободат целата наша земја од напаѓачите“.

XS
SM
MD
LG