Главната украинска обвинителка Ирина Венедиктова вели дека идентификувала повеќе од 600 Руси осомничени за воени злосторства.
Веќе е започнато кривично гонење на 80 лица од осомничените, меѓу кои има „врвни воени лица, политичари и пропагандни агенти на Русија“, рече Венедиктова на прес-конференција во Хаг.
Во истрагата учествуваат и Естонија, Латвија, Словачка, Литванија и Полска, рече таа.
Покрај тоа, групата соработува со Меѓународниот кривичен суд, кој започна да ги разгледува потенцијалните воени злосторства во март.
„Треба сè да собереме и да заштитиме на вистински начин. Тоа треба да биде прифатлив доказ во секој суд“, рече Венедиктова.
Русија постојано негира дека цели на цивили по инвазијата на Украина на 24. февруари.
