Турскиот претседател Реџеп Таип Ердоган се согласи да ја достави до парламентот кандидатурата на Шведска за приклучување кон воената алијанса на НАТО, изјави во понеделникот генералниот секретар Јенс Столтенберг, во пресрет на самитот на НАТО во Вилнус.
„Мило ми е што можам да објавам дека претседателот Ердоган се согласи да го проследи протоколот за пристап за Шведска до големото национално собрание што е можно поскоро и тесно да соработува со собранието за да обезбеди ратификација“, рече Столтенберг на прес-конференција.
Столтенберг одби да даде датум кога приемот на Шведска ќе биде ратификуван од турскиот парламент, кое ќе одлучи за точниот тајминг.
Шведска и Финска се пријавија за влез во НАТО минатата година, отфрлајќи ги настрана политиката на воена неутралност што траеше низ децениите на Студената војна, бидејќи руската инвазија на Украина ги преуреди безбедносните размислувања.
Апликациите во алијансата мора да бидат одобрени од сите членки на НАТО и додека на Финска доби зелено светло во април, Турција и Унгарија ја блокираа кандидатурата на Шведска.
Стокхолм напорно работи на својата кандидатура пред самитот на НАТО во Вилнус, заедно со САД и нивните сојузници, барајќи од Турција да се откаже од своето противење.
Ердоган рече дека Шведска има членови на милитантни групи, главно поддржувачи на Курдистанската работничка партија, кои ги обвинува за организирање демонстрации и финансирање терористички групи, додека антитурските протести во Стокхолм, исто така, го зголемија неговиот гнев.
Во меѓувреме, Шведска соопшти дека ги исполнила сите барања договорени во преговорите со Турција минатата година, вклучително и воведувањето нов предлог-закон со кој членството во терористичка организација е незаконско, а истакна дека слободата на говор е заштитена во нејзиниот Устав.
Шефот на кабинетот на унгарскиот премиер Виктор Орбан во четвртокот изјави дека Будимпешта нема да ја блокира ратификацијата на шведското членство во НАТО.
Извор: Ројтерс