Претставничкиот дом го изгласа предлог-законот за суспендирање на лимтот на долгот на американската влада од 31,4 трилиони долари и спречување на катастрофално неисполнување на обврските, по отстранување на клучната процедурална пречка во Претставничкиот дом.
Договорот доби поддршка и од републиканците на спикерот Кевин Мекарти и од демократите на претседателот Џо Бајден, иако членови на двете партии се противат на значителни делови од законодавството.
Успешното гласање во Претставничкиот дом ќе го испрати нацрт-законот прво до Сенатот, каде што може да има опасност од одложување, освен ако лидерот на мнозинството во Сенатот Чак Шумер и републиканскиот лидер Мич Меконел не се согласат да го забрзаат.
Републиканците сакаат Шумер да дозволи гласање за амандмани во замена за брза акција. Но, Шумер се чинеше дека ги отфрли амандманите во средата, велејќи им на новинарите: „Не можеме ништо да испратиме назад до Претставничкиот дом, јасно и едноставно. Мора да избегнеме неплаќање“.
Законодавството ќе го суспендира лимиот на американскиот долг до први јануари 2025 година, што значи дека нема да има ограничување до тој датум, што ќе им овозможи на Бајден и законодавците да го остават настрана политички ризичното прашање до по претседателските избори во ноември 2024 година.
Тоа, исто така, ќе ги ограничи некои владини трошоци во текот на следните две години, ќе го забрза процесот на издавање дозволи за некои енергетски проекти, ќе ги врати неискористените средства за ковид-19 и ќе ги прошири работните барања за програмите за помош во храна на дополнителни корисници.
Бајден очекува да ја има легислативата на потпис до крајниот рок на 5 јуни, кога федералната влада би можела да остане без пари за да ги плати сметките, соопшти Белата куќа.
Одделот за финансии предупреди дека нема да може да ги покрие сите обврски на владата до понеделник доколку Конгресот не го зголеми лимитот.
Извор: Ројтерс