Договор за обезбедување на најголемата европска нуклеарна централа во Украина би можел да се случи брзо, иако руските и украинските официјални лица допрва треба да ги договорат последните детали, изјави денес генералниот директор на Меѓународната агенција за атомска енергија МААЕ Рафаел Гроси.
Тој вчера се сретна со украинскиот претседател Володимир Зеленски и рече дека „најверојатно“ ќе замине за Русија во наредните денови за да се обиде да го финализира договорот за заштита на нуклеарната централа во Запорожје.
Жестоките борби со месеци во близина на објектот ги загрижија меѓународните претставници за нуклеарна катастрофа, со потенцијал за радијација да се прошири многу подалеку од непосредната воена зона.
„Има зголемено ниво на борбена, активна борба“ во близина на електраната, рече Гроси. „Моите тимови таму секојдневно известуваат за нападите“.
Гроси долго време бара да се создаде заштитна зона околу фабриката, која е многу блиску до првите борбени редови. Но, засега не е постигнат договор.
„Тоа е зона на екстремна нестабилност. Значи, преговорите, се разбира, се засегнати од тековните воени операции“, рече Гроси.
Тој вели дека одржува професионален дијалог и со руските и со украинските функционери бидејќи бара договор „за да се осигура дека нема да има радиолошка несреќа, голема катастрофална несреќа во Европа“.
„Мислам дека е близу“, рече тој за можноста за договор, нагласувајќи дека таков договор ќе биде ограничен на заштита на нуклеарната централа, а не за обезбедување на поширок прекин на огнот.
Дел од информациите се преземени од АП, Ројтерс и Франс-прес