Доналд Трамп вчера го повика рускиот лидер Владимир Путин да дејствува за да постигне итен прекин на огнот со Украина, опишувајќи го како дел од неговите активни напори како новоизбран претседател да стави крај на војната и покрај тоа што има неколку недели од преземањето на функцијата.
„Зеленски и Украина би сакале да склучат договор и да го запрат лудилото“, напиша Трамп на социјалните мрежи, укажувајќи на претседателот на Украина Володимир Зеленски.
Во телевизиско интервју што беше емитувано во неделата, Трамп, исто така, рече дека ќе биде отворен за намалување на воената помош за Украина и за повлекување на САД од НАТО.
Тоа се две закани што ја вознемирија Украина, сојузниците во НАТО и многумина во заедницата за национална безбедност на САД.
На прашањето на Ен-Би-Си дали активно работи на завршување на речиси тригодишната војна во Украина, Трамп рече: „Да“.
Тој одби да каже дали разговарал со Путин по победата на изборите во ноември.
„Не сакам да кажам ништо за тоа, бидејќи не сакам да направам ништо што може да ги попречи преговорите“, рече Трамп.
Повикот на Трамп за итен прекин на огнот се различни од ставовите што ги преземаа администрацијата на Бајден и Украина и наиде на одговор од Зеленски.
Тоа, исто така, покажува како Трамп невообичаено длабоко се впушта во напорите пред неговата инаугурација на 20 јануари за решавање на една од главните глобални кризи со кои се соочува администрацијата на Бајден.
Трамп го даде својот предлог викендов во Париз, по состанокот во француските и украинските лидери, каде што многу светски лидери се собраа да го прослават обновувањето на катедралата Нотр Дам по разорниот пожар.
Ниту еден од советниците кои патуваа со него се чини дека нема експертиза за Украина.
Киев би сакал да затвори договор, напиша Трамп на својата платформа за социјални медиуми Truth Social.
„Треба да има итен прекин на огнот и да започнат преговорите“. „Добро го познавам Владимир. Ова е негово време да дејствува. Кина може да помогне. Светот чека!“ - додаде Трамп.
Тој мислеше на напорите за посредување од страна на Кина, кои многумина на Запад ги сметаа за фаворизирање на Русија.
Зеленски ги опиша неговите разговори во саботата со Трамп како „конструктивни“, но не даде дополнителни детали.
Зеленски предупреди дека на Украина ѝ треба „праведен и силен мир, кој Русите нема да го уништат во рок од неколку години“.
„Кога зборуваме за ефективен мир со Русија, мора да зборуваме пред се` за ефективни мировни гаранции. Украинците сакаат мир повеќе од кој било друг. Русија донесе војна во нашата земја“, рече тој во неделата во објава на апликацијата за пораки Телеграм.
Портпаролот на Кремљ Дмитриј Песков, одговори на објавата на Трамп повторувајќи ја долгогодишната порака на Москва дека е отворена за разговори со Украина.
Песков се повика на декретот на Зеленски од октомври 2022 година, кој ја прогласи можноста за какви било разговори „невозможни“ се додека Путин е лидер на Русија.
Тој декрет дојде откако Путин прогласи четири окупирани региони на Украина да бидат дел од Русија, што според Киев и Западот е јасно кршење на украинскиот суверенитет.
Поранешниот советник за национална безбедност на Трамп, пензионираниот генерал-полковник Х.Р. Мекмастер, предупреди дека не постои такво нешто како брзо решение за ставање крај на руската војна со Украина.
„Она за што ме загрижува е ваквата погрешна идеја дека Путин може да се смири, нели, дека Путин ќе дојде до некаков договор“, рече Мекмастер за „Фокс њуз Сандеј“.
„Мислам дека е навистина важно претседателот Трамп да се придржува до својот инстинкт во врска со ова... мир преку сила“, рече Мекмастер, додавајќи:
„Зошто да не им го дадете она што им треба за да се одбранат, а потоа да му речете на Путин „Вие, ќе ја изгубите оваа војна?“
Додека Трамп претходно изјави дека би сакал да види брз прекин на огнот во Украина, неговиот предлог во неделата изгледаше како директен апел до Русија.
Брзите одговори од Украина и Русија ја покажаа сериозноста со која ја гледаа идејата на идниот американски претседател.
Претседателот Џо Бајден вчера во Белата куќа рече дека отпорот од Украина „ја оставил Русија неспособна да го заштити својот главен сојузник на Блискиот Исток“.
Сојузниците на Украина стравуваат дека брз договор ќе биде во голема мера според условите на нејзиниот помоќен сосед, потенцијално принудувајќи штетни отстапки за Украина и дозволувајќи ѝ на Русија повторно да ја продолжи војната откако ќе ја зголеми својата воена сила.
