Судењето на американскиот сенатор Боб Менендез за обвиненија за корупција ќе започне во мај, соопшти денес федерален судија во Њујорк.
Демократскиот сенатор од Њу Џерси се изјасни за невин и се спротивстави на повиците за негова оставка по неговото обвинение минатиот месец за земање мито од тројца бизнисмени од Њу Џерси.
Судијата го закажа судењето за случајот за 6 мај, давајќи им време на обвинителите да ги предадат доказите на адвокатите на Менендез и да им дозволат да поднесат правни оспорувања.
Федералните обвинители во Менхетн ги обвинија Менендез (69) и неговата сопруга дека прифатиле злато и стотици илјади долари во готовина во замена сенаторот да го искористи своето влијание за да ѝ помогне на владата на Египет и да се меша во истрагите за спроведување на законот на бизнисмените.
Сопругата на сенаторот и бизнисмените, исто така, се изјаснија за невини.
Ова е третпат Менендез да биде под истрага од федералните обвинители.
Тој никогаш не бил осуден.
Менендез, еден од двајцата сенатори кои го претставуваат Њу Џерси, се повлече од функцијата претседател на Комитетот за надворешни односи на Сенатот, како што се бара според правилата на неговата партија.
Но, тој ги отфрли повиците на неколку негови колеги, демократски сенатори, да поднесе оставка.
