САД повикаа на деескалација на прекуграничната размена меѓу Израел и либанската група Хезболах, како што се наѕираат закани за целосна војна.
Коментарите во вторникот на американскиот специјален пратеник Амос Хохштајн во Бејрут беа дадени додека нападите продолжија да ескалираат на двете страни од границата.
Израел и Хезболах почнаа со напади на 8 октомври, еден ден по смртоносниот напад на Хамас врз јужен Израел.
Неодамнешните напади, вклучително и нападот со беспилотно летало на Хезболах во вторникот врз израелски тенк, се случија по израелскиот напад во кој загина висок командант на Хезболах минатата недела.
Хезболах, поддржан од Иран, кој е во сојуз со палестинската милитантна група Хамас, рече дека ќе ги запре нападите само ако има прекин на огнот во војната на Израел против Хамас во Газа.
Лидерот на Хезболах Хасан Насралах изјави дека се надева на крај на конфликтот, но е подготвен да продолжи доколку израелскиот премиер Бенјамин Нетанјаху „инсистира“ на војна.
„Се надеваме дека војната ќе престане во секој момент, но ако [Нетанјаху] инсистира на војна, тој ќе го одведе ционистичкиот ентитет до катастрофа и ќе го одведе спротивниот фронт до голема и горда историска победа“.
Портпаролот на израелската армија Даниел Хагари, рече дека Хезболах го става Либан на ризик во обид да биде „штит за Хамас“.
„Зголемената агресија на Хезболах нè доведува до работ на она што би можело да биде поширока ескалација, која може да има катастрофални последици за Либан и целиот регион“, рече Хагари.
Специјалниот пратеник Хохштајн го повика Хамас да го прифати договорот за прекин на огнот поддржан од САД, велејќи дека тој исто така ќе помогне во деескалација на конфликтот долж границата со јужниот дел на Либан.
Хохштајн рече дека прекинот на огнот или дипломатско решение за запирање на конфликтот меѓу Израел и Хезболах е „итно“.
Новинските извештаи велат дека околу 473 лица во Либан, вклучително и 94 цивили, се убиени од 8 октомври.
Израелските власти објавија најмалку 26 смртни случаи во Израел поради конфликтот, од кои 11 се вели дека се цивили.
Некои информации во текстот се од Ројтерс и Франс-прес
