Мексиканските и американските власти се согласија да ги задржат граничните премини отворени, изјави денес мексиканскиот претседател Андрес Мануел Лопез Обрадор, по посетата на американскиот државен секретар Ентони Блинкен, која се фокусираше на обезбедување помош од Мексико за запирање на рекордно високата миграција.
САД претходно овој месец привремено затворија неколку премини, вклучително и два клучни железнички моста, за да ги прераспределат ресурсите за спроведување на друго место преку границата поради зголемениот број мигранти, клучно прашање на изборите во САД следната година.
„Овој договор е постигнат, железничките премини и граничните мостови веќе се отворени за нормализирање на ситуацијата“, изјави Лопез Обрадор на утринската прес-конференција.
Секој ден има се` повеќе движење на граничните мостови. Лопез Обрадор рече дека состаноците во средата со американската делегација, во која беа Блинкен и секретарот за внатрешна безбедност Алехандро Мајоркас, биле „директни“ и тој го пофали односот на администрацијата на Бајден со Мексико.
„Односите со Бајден се многу добри, и тој има голема почит кон нас, кон Мексико“, рече тој, додавајќи дека Бајден „разбира дека овој (миграциски) феномен има врска со сиромаштијата“.
Лопез Обрадор претходно овој месец рече дека ќе им помогне на САД со зајакнување на мерките за ограничување на миграцијата, без да даде детали.
Американските и мексиканските власти досега не објавија повеќе информации за можните договори постигнати на средбата.
Билатералните разговори доаѓаат додека стотици мигранти и баратели на азил, многумина со мали деца, полека движат низ јужниот дел на Мексико.
Караванот, кој Лопез Обрадор го намали на околу 1.500 луѓе, најверојатно нема да стигне до границата со САД.
Но, тоа ја истакна маката на мигрантите и барателите на азил, кои бегаат од насилство, конфликти, сиромаштија и климатски промени.
Прашањето за фентанил, моќен и смртоносен опијат, „едвај се дискутираше“ на состанокот, додаде претседателот.
САД го притискаат Мексико да направи повеќе за борба против трговијата со фентанил, додека Мексико се залага за посилни американски контроли за да се спречи огненото оружје од соседната земја да стигне до моќните наркокартели.
