На фотографијата на НАСА се гледат трагите од возењето на Кјуриозити на Марс
Возилото на НАСА на првото, пробно возење зело и примероци од почвата.
Кјуриозити успешно го заврши првото, пробно возење на Марс.
Панорама на Марс со трагите на Кјуриозити
Роботското возило вчера минало 4,5 метри, вртело, а потоа се вратило назад 2,5 метри, според инженерот на Американската вселенска агенција – НАСА, Мат Хеверли, кој кажа и дека движењето потврдило дека почвата на планетата е солидна.
Фотографиите на Кјуриозити покажуваат траги од возењето. Возилото зело неколку примероци од почвата, што, според НАСА, „минало крајно успешно“.
Кјуриозити е подвижна лабораторија опремена со инструменти за истражување на геолошките и климатските услови, како и радијацијата на Црвената планета. За време на двегодишната мисија вредна 2,5 милијарди долари, НАСА ќе се обиде да добие одговор на прашањето дали на планетата некогаш постоел живот, но и дали може да постои во иднина.
Кјуриозити вози и слика по Марс
1/4Роботската рака на Кјуриозити, насочена кон планинскиот врв Шарп на овој мозаичен приказ создаден од фотографиите направени на 8-ми, 18-ти и 20-ти август. Се гледа и сенката на јарболот на Кјуриозити на кој се наоѓа камерата
2/4Инженерите на НАСА преку далечинско управување извршија тест на тркалата на Кјуриозити, вртејќи ги лево-десно.
3/4Para demonstran anti-pemerintah bergerak menuju gedung Kementerian Keuangan Thailand di Bangkok (25/11).
4/4Карпеста почва што се покажала откако моторите на Кјуриозити ја дувнале прашината од површината на Марс.
