Израелската војска денес соопшти дека извршила рации на окупираниот Западен Брег, при што убиле најмалку тројца милитанти и уапсиле 18 други.
Израелските одбранбени сили соопштија дека во воздушен напад загинале двајца милитанти откако тие пукале врз војниците.
Израелските сили убиле уште еден милитант за време на борбите, додека израелски војник бил ранет.
Рациите се случија еден ден откако вооружен напаѓач нападна автобус и автомобил во близина на градот Ал-Фундук на Западен Брег, при што уби три лица, а рани седум други.
Насилството се зголеми на Западниот Брег по нападот на Хамас врз јужен Израел во октомври 2023 година и како резултат на израелската воена кампања во појасот Газа.
Палестинските здравствени власти велат дека израелските војници и нападите на израелските доселеници убиле најмалку 818 Палестинци на Западниот Брег за тоа време, додека Палестинците убиле десетици Израелци.
Војната во Газа започна со нападот на Хамас на 7 октомври 2023 година, во кој милитантите убија 1.200 луѓе и зедоа околу 250 други како заложници.
Сè уште има околу 100 заложници кои држат во Газа, а најмалку една третина од нив се верува дека се мртви.
Во израелската контраофанзива загинаа најмалку 45.800 луѓе, а повеќе од 109.000 беа повредени, според Министерството за здравство во Газа.
Министерството не прави разлика меѓу милитантите и цивилите во својот број.
САД, Обединетото Кралство, Европската Унија и други го прогласија Хамас за терористичка група.
Некои информации во текстот се од Асошиетед прес, агенцијата Франс-прес и Ројтерс
