Европската Унија ја додаде руската групација „Вагнер“ на листата на санкции поради „активно учество во руската агресивна војна против Украина“.
Исто така, беше санкционирана „за дејствија што го поткопуваат или загрозуваат територијалниот интегритет, суверенитет и независноста на Украина“.
Ова е вторпат ЕУ да ја санкционира Вагнер групата. ЕУ првпат ја санкционираше платеничката група во февруари поради нејзиното кршење на човековите права во Африка.
Тоа што ЕУ двапати го наведе Вагнер на листата „ја нагласува меѓународната димензија и тежината на активностите на групата, како и нејзиното дестабилизирачко влијание врз земјите каде што таа е активна“, се вели во соопштението на Европскиот совет.
