Десетици Израелци се собраа на главниот автопат во Тел Авив вчера вечер, протестирајќи за враќање на заложниците, додека земјата чекаше да слушне дали е договорен прекин на огнот во Либан.
Околу 100 луѓе земени како заложници се` уште се држат во Газа, од кои најмалку една третина се верува дека се мртви.
Повеќето од другите заложници заробени од Хамас беа ослободени за време на прекинот на огнот минатата година.
Рикардо Гришенер, вујко на 23-годишниот заложник Омер Венкерт, рече дека прекинот на огнот со Хезболах покажува како израелската влада отворено не ги почитува заложниците.
Иако Израел му нанесе поголема штета на Хамас во Газа отколку на Хезболах во Либан, тој рече дека „одлуката за одложување на договорот во Газа и ослободување на заложниците не се заснова на истите критериуми за воен успех“.
Најновите напори за прекинување на војната заглавија во октомври.
Американскиот претседател Џо Бајден изјави во вторникот дека ќе започне обновен притисок, но неговата администрација сега е во заминување по реизборот на поранешниот претседател Доналд Трамп.
„Овој прекин на огнот не ги засега нашите заложници. Верувам дека Нетанјаху заборави на нив, а тој само сака да продолжи да се бори во Газа“, рече Ифат Калдерон, држејќи ја фотографијата од нејзиниот братучед Офер Калдерон, која е заложник и татко на четири деца.
„Офер вчера го имаше својот 54-ти роденден. Неговиот втор роденден во Газа“, рече таа.
„Неверојатно е што тој сè уште е таму“.
