Линкови за пристапност

Глобалната безбедност на храната – една од главните теми на АПЕК


Над 3000 делегати на Самитот на Азиско-пацифичката економска соработка дојдоа во Сиетл.

Регионалниот економски министерски форум АПЕК се одржува во Сиетл.

Оваа година, САД ќе бидат домаќини на годишниот собир бидејќи светот се движи низ низа сложени теми и дипломатски предизвици.

Над 3000 делегати на Самитот на Азиско-пацифичката економска соработка дојдоа во Сиетл.

Дваесет и една економија - членка на АПЕК сочинуваат речиси 40% од глобалното население и околу половина од глобалната трговија, така што, темите на агендата се прилично разновидни - од управување со катастрофи до енергија и заштита на глобално здравје.

Еден од најголемите предизвици оваа година е глобалната безбедност на храната.

Том Вилсак, секретар на Одделот за земјоделство изјави дека заедницата на АПЕК ја дели посветеноста на глобалните потреби за храна и можноста за изградба на еластични системи.

Додека високите функционери и министерски состаноци овој месец ќе се фокусираат на зголемување на соработката во азиско-пацифичкиот регион, една од земјите-членки на АПЕК е Русија, чија војна во Украина и нападите против инфраструктурата за жито продолжуваат да влијаат на глобалниот систем за безбедност на храната.

Мет Мареј, висок претставник на САД за АПЕК изјави: „Се соочуваме со многу економски ветришта. Постојат предизвици ширум светот, вклучувајќи ја и руската инвазија на Украина, и сите тие работи имаат значително влијание врз економскиот просперитет на Азиско-пацифичкиот регион“.

Мареј, коментираше за Гласот на Америка, дека САД, како овогодишен домаќин, даваат се од себе да соработуваат со сите земји, и покрај нивното континуирано разочарување од руското и кинеско блокирање на обидите да се истакне загриженоста за влијанието на војната врз регионот.

Остануваат отворени прашањата за присуството на следниот виш состанок на АПЕК, што ќе се одржи наесен во Сан Франциско, вклучително и застапеноста на Хонг Конг, чиј извршен директор, Џон Ли, е под санкции на САД поради неговата улога во казнувањето на граѓанските немири за време на протестите во 2019-та.

И покрај непосредните предизвици, претставниците на АПЕК имаат за цел да не ги загубат од фокусот нивните долгорочни цели, давајќи приоритет на земјоделството отпорно на климата, иновациите и обезбедување храна да им биде достапна на оние на кои им е најпотребна.

XS
SM
MD
LG