Американските власти реагираат на заедничката изјава на Кина и Русија за руската војна против Украина. Изјавата беше објавена денес во Москва, каде што кинескиот претседател Шји Џјинпинг имаше дводневни разговори со неговиот домаќин, рускиот претседател Владимир Путин.
Портпаролот на Советот за национална безбедност Џон Кирби, денес во Белата куќа, рече дека нема ништо од разговорите и договорот меѓу кинескиот и рускиот лидер што дава надеж дека војната во Украина ќе заврши наскоро.
„Ако Кина сака да игра конструктивна улога овде во овој конфликт, тогаш треба да ја притисне Русија да ги повлече своите војници од Украина и украинската суверена територија“, рече Кирби.
„Тие треба да го повикаат претседателот Путин да престане со бомбардирањето градови, болници и училишта, да ги запре воените злосторства и злосторствата и да стави крај на војната денес“.
Кирби додаде дека иако Кина не треба да се смета за неутрална страна, САД не виделе никакви индикации дека Кинезите се подготвени да им дадат на Русите смртоносно оружје.
