Белата куќа ја поддржа предложената легислатива со која би се забранила апликацијата ТикТок поради загриженоста за безбедноста на податоците на 100 милиони Американци кои ја користат трендовската видеоплатформа.
„Заклучокот е дека кога станува збор за потенцијалните закани за нашата национална безбедност, кога станува збор за безбедноста на Американците, кога станува збор за приватноста, ќе зборуваме и ќе бидеме многу јасни, а тоа беше претседателот во последните две години“, рече портпаролката на Белата куќа Карин Жан-Пјер.
„И затоа, бараме од Конгресот да дејствува, бараме од Конгресот да продолжи со ова двопартиско законодавство“, рече Жан-Пјер.
На прашањето дали администрацијата има конкретни докази дека платформата злонамерно ги користела податоците, таа укажа на тековната студија на Комитетот за странски инвестиции во САД.
Комитетот за странски инвестиции во САД е меѓуагенциска комисија која прегледува одредени трансакции кои вклучуваат странски инвестиции и грижи за националната безбедност.
Вчера, и Велика Британија ја забрани употребата на апликацијата на владини уреди - потег што веќе го наметнаа САД, Европската унија, Канада и Индија.
И во САД, други ентитети, како што се универзитетите, ја забранија употребата на апликацијата на нивните мрежи.
Дел од информациите се преземени од Ројтерс
