Администрацијата на претседателот Џо Бајден повторно ќе испраќа бесплатни тестови за ковид-19 за сите домаќинства во САД, пред потенцијални бранови на коронавирус оваа зима.
По тримесечен прекин, администрацијата повторно ќе испраќа четири брзи тестови, почнувајќи од денес, рече висок претставник на администрацијата, кој сакаше да биде анонимен.
Бројот на заразени со ковид се зголеми по празникот Ден на благодарноста, а уште повеќе заразени се очекуваат поради собирање во затворени простории и патувања околу Божиќ и Нова година.
Администрацијата става во состојба на подготвеност персонал и опрема доколку е потребна во случај на преоптоварените болници и старечки домови, како што беше неопходно во претходните бранови на вирусот. Досега немало барања за помош.
Администрацијата на Бајден, исто така, ги повикува државите и локалните власти да направат повеќе за да ги охрабрат луѓето да ги добијат ажурираните бивалентни вакцини за ковид-19, за кои научниците велат дека се поефикасни за заштита од сериозни болести и смрт од тековните варијанти кои циркулираат.
Официјалниот претставник рече дека финансирањето за новите тестови е прераспределено од други програми за вируси, додека Белата куќа се бори да добие конгресно одобрување за дополнително финансирање за итни ковид случаи.
Тој одби да детали колку се трошат за новите тестови или од кои програми се пренасочени.
Извор: АП
