Водачите на нигериската хунта именуваа нова влада токму кога шефовите на Економската заедница на западноафриканските држави, или ЕКОВАС, се собраа во соседна Нигерија на итен самит.
Според декретот прочитан на државната телевизија, хунтата именувала 21 министер. Тројца водачи на пучисти беа именувани за шефови на министерствата за одбрана, внатрешни работи и спорт.
Во соопштението не се дадени дополнителни планови. Именувањето на новата влада е последното омаловажување за регионалните лидери и следи по пркосот на хунтата на крајниот рок во неделата да го врати соборениот претседател Мохамед Базум.
Лидерите на ЕКОВАС денес пристигнуваат во главниот град на Нигерија, Абуџа, за да разговараат за кризата во Нигер и да се договорат за план за акција.
Регионалниот блок рече дека може да употреби сила доколку е потребно за да ја врати демократијата во Нигер.
Соборениот лидер на Нигер е во притвор во неговата резиденција откако членовите на претседателската гарда ја презедоа власта на 26 јули.
Партијата на Базум во средата соопшти дека тој и неговото семејство немаат храна и дека живеат без струја и вода веќе една недела.
Советник за Асошиетед прес изјави дека на семејството му остануваат само ориз и конзервирана храна за јадење.
Во средата поранешен бунтовнички водач и политичар од Нигер покрена движење против воената хунта која ја презеде власта пред две недели - првиот знак на организиран отпор против армиското владеење во западноафриканската земја.
Дел од информациите се од Асошиетед прес, Ројтерс и Франс- прес