Две од клучните номинации на новоизбраниот американски претседател Доналд Трамп - водителот на „Фокс њуз“ Пит Хегсет за секретар за одбрана и поранешен пратеник Мет Гец за јавен обвинител - се поврзани со сексуални контроверзии што би можеле да ги загрозат нивните потврди во Сенатот да служат во Кабинетот на Трамп.
Хегсет (44) платил неоткриена сума на жена која го обвинила за сексуален напад во 2017 година, за да ја избегне заканата дека неоснованото тврдење ќе стане јавно, изјави неговиот адвокат Тим Парлаторе за американските медиуми овој викенд.
42-годишниот Гец ненадејно поднесе оставка минатата недела од Претставничкиот дом на крајот на неговиот четврти мандат, само неколку дена пред етичкиот комитет на Претставничкиот дом да се приближи на крајот на истрагата за тоа дали имал секс со 17-годишна девојка и дали бил вклучен во недозволена употреба на дрога.
Некои законодавци рекоа дека Гец покажувал голи слики на мобилен телефон од неговите сексуални постапки.
Гец ги отфрли обвинувањата и федералните власти претходно оваа година одлучија да не покренат обвиненија.
Адвокатот на Хегсет ја опиша сексуалната средба на Хегсет во хотел со жената по настан на републиканците во Монтереј, Калифорнија, во 2017 година како консензуална.
Локалната полиција, по спроведена истрага, не поднела никакви пријави.
Адвокатот за „Вашингтон пост“ изјавил дека Хегсет го решил барањето на жената неколку години подоцна, бидејќи верувал дека нејзината закана за поднесување тужба „ќе резултира со негово итно исклучување од Фокс“, каде што тој беше популарен водител на викенд ток-шоу.
„Тој беше лажно обвинет, а мојот став е дека тој беше жртва на уцена“, изјави Парлаторе за Асошиетед прес, нарекувајќи го случајот „успешна изнуда“.
Името на жената не е објавено јавно, а американските медиуми обично не ги откриваат имињата на наводните жртви на сексуален напад без нивна согласност.
Трамп досега застана на страна на Хегсет, неконвенционален избор за шеф на Пентагон.
Некои демократски и републикански законодавци изразија загриженост за недостатокот на менаџерско искуство на Хегсет, било во Одделот за одбрана или во бизнис.
Шефот на Пентагон ќе надгледува повеќе од 2 милиони американски војници и цивилна работна сила од речиси 800.000 луѓе.
Покрај тоа, некои критичари изразија загриженост за големата тетоважа на горниот десен граден кош на Хегсет, која тој ја карактеризира како христијански симбол, „ерусалимски крст“, но како што велат неговите критичари е бел националистички симбол.
Хегсет во едно интервју му рекол дека претпоставените го отстраниле од Националната гарда за обезбедување на инаугурацијата на претседателот Џо Бајден во 2021 година поради страв дека тој е „екстремист“ поради тетоважата.
Кога првпат се појавија обвинувањата против Хегсет, портпаролот на Трамп, Стивен Чеунг, изјави дека Хегсет „енергично ги отфрли сите обвинувања. Со нетрпение ја очекуваме неговата потврда како секретар за одбрана на САД за да може да започне на првиот ден за да ја направиме Америка безбедна и одлична повторно“.
Иако гласачите во неговиот округ на Флорида штотуку го реизбраа за петти мандат, Гец во средата поднесе оставка од неговата функција, завршувајќи ја истрагата.
Неколку американски сенатори, како републиканци, така и демократи, бараат пристап до наодите на етичкиот комитет на Претставничкиот дом во истрагата за Гец, додека тие ја извршуваат нивната уставно назначена улога „советување и согласност“ во прегледот на кандидатите за Кабинетот направени од идниот претседател.
Спикерот на Претставничкиот дом Мајк Џонсон, лидерот на тесното републиканско мнозинство во Конгресот, се воздржува од објавувањето на, како што рече за Си-Ен-Ен, извештај во „груба нацрт-форма“.
Џонсон тврдеше дека ниту еден етички извештај не треба да биде објавен, бидејќи Гец повеќе не е член на Конгресот, иако имало случаи кога тоа се случило во минатото.
Тој рече дека сенаторите што ја разгледуваат номинацијата на Гец за највисок функционер за спроведување на законот во земјата „ќе имаат енергичен процес на преглед и проверка“, но дека не треба да го видат извештајот на Комитетот за етика на Претставничкиот дом.
Некои сенатори сугерираа дека би можеле да побараат покана доколку не им се предаде доброволно.
Трамп, исто така, застана зад номинацијата на Гец, но новоизбраниот претседател, исто така, се обиде - со мал успех досега - да го добие Сенатот, под контрола на републиканците во јануари кога тој ќе ја преземе функцијата, да се согласи на прекин за да може да именува и инсталира членовите на неговиот Кабинет, без потреба од спорни и долготрајни сослушувања за потврда.
Некои информации во текстот се од Асошиетед прес и агенцијата Франс-прес