Украинскиот претседател Володимир Зеленски денес изјави дека „вистински и целосен прекин на непријателствата“ ќе резултира доколку Русија ги повлече сите свои војници од Украина и ја врати украинската контрола на територијата на неговата земја долж границата со Русија.
Зборувајќи виртуелно на самитот на лидерите од Г-20 на Бали, Зеленски рече дека доцнењето во ставањето крај на конфликтот значи смрт на повеќе Украинци и повеќе закани за светот.
„Убеден сум дека сега е моментот кога руската деструктивна војна мора и може да се запре“, рече Зеленски.
Коментарите на украинскиот лидер уследија по неговата посета во понеделникот на новоослободениот град Херсон, каде што тој им рече на украинските војници дека земјата е „подготвена за мир“.
Појавата на Зеленски во Херсон дојде само неколку дена откако руските трупи се повлекоа од југоисточниот град, што е една од најголемите загуби во војната за рускиот претседател Владимир Путин, чии војници го контролираа регионалниот главен град од близу почетокот на војната во февруари.
Американскиот претседател Џо Бајден, говорејќи во понеделникот на прес-конференција во Индонезија, го нарече украинското преземање на Херсон „значајна победа“ за владата во Киев.
„Не можам да направам ништо освен да ја поздравам храброста, решителноста и капацитетот на украинскиот народ и украинската војска“, рече Бајден. „Тие беа неверојатни“.
Но, тој рече дека западните сојузници кои ја поддржуваат Украина нема да принудат решение за Украина за да се стави крај на војната. Тој рече дека нема да има „ништо за Украина без Украина“ да се согласи со тоа.
Портпаролот на Кремљ Дмитриј Песков во понеделникот одби да ја коментира посетата на Зеленски на Херсон, но рече дека „оваа територија е дел од Руската Федерација“.
Дел од информациите во текстот се преземени од Асошиетед прес и Ројтерс