Со медал за посебни достигнувања, за нејзиниот ангажман за влез на земјава во НАТО, денеска беше одликувана министерката за одбрана, Радмила Шекеринска. Признанието ѝ го додели Националната гарда на Вермонт, САД, а чинот на одликување го изврши командантот на Националната гарда, генерал-мајор Грегори Најт. Доделувањето на медалот е по повод 18 Август, Денот на Армијата на Република Северна Македонија,
“Нејзината визија и ангажман одиграa директна улога за Северна Македонија да стане НАТО сојузник”, се вели во образложението на одлуката, соопштија од Министерството за одбрана.
Во образложението се додава дека Шекеринска имала и витална улога во поддршката и развојот на државната програма за партнерство со Националната гарда на Вермонт.
„Нејзиниот континуиран ентузијазам во партнерството доведе до забележителни успеси во односите. Нејзиното исклучително лидерство, јасни намери и динамичен ангажман служи како пример за целата програма на државното партнерство”, истакнуваат од Националната гарда на Вермонт.