Уште 1,5 милиони отпуштени од работа поднесоа барање за компензација за невработеност минатата недела, што е најниска бројка во последните три месеци, објави Одделот за труд. Многу американски мали бизниси почнаа се да отвораат откако коронавирусот ги принуди да затворат.
Иако има намалување на бројката на лица кои бараат помош како невработени, економистите предвидуваат дека опоравувањето на нацијата од пандемијата ќе земе подолг период и ќе се префрли во 2021-ва.
Севкупно, 44 милиони лица поднеле барања за компензација при невработеност од средината на март, што е повеќе од една четвртина од работоспособното население од 164,6 милиони.
Стапката на невработеност е 13,3%, заклучно со мај, иако официјални лица признаваат дека поради системска грешка во истражувањето, стапката, треба да изнесува 16,4%.
Федералните резерви предвидуваат дека невработеноста ќе падне на 9,3% до крајот на годината, и до 6,5% до крајот на 2021-ва, што е пооптимистично очекување од предвидувањата од некои економисти.
Конгресот и Белата куќа разгледуваат - дали е потребна дополнителна владина помош за американските семејства да го забрзаат опоравувањето на економијата.
Facebook Forum