Руски дисиденти го повикаа Западот да преземе поцврсти мерки против рускиот претседател Владимир Путин, истакнувајќи дека во интерес на меѓународната заедница е да усвои поенергична стратегија против Кремљ, или во спротивно ќе плати повисока цена подоцна.
Спроти одржувањето на Самитот на Г-7 во Корнвел, Англија, и како и спроти одржувањето на средбата меѓу Џо Бајден и Владимир Путин во Женева, опонентите на рускиот претседател бараат посеопфатна стратегија на Западот за да го казни Кремљ за интензивирањето на згаснувањето на гласот на дисидентите и опозицијата во Русија и обидот да ја дестабилизира западната Алијанса.
„Задачата да се смени нешто во Русија е на грбот на Русите. Тоа е важно, но е опасно“, вели Владимир Ашурков, извршен директор на анти-корупциската Фондација, основана од затворениот критичар на Путин, главниот опозиционен лидер Алексеј Навални.
„Западните држави треба да го зголемат притисокот врз Кремљ за неговите обиди за дестабилизирање на западниот политички и социјален ред и поредок“, изјави Ашурков.
Западните сили го обвинуваат официјален Кремљ за мешање во изборите во САД и Европа, ширење кампања со дезинформации за поделба во членките на НАТО.
Исто така се обвинува Москва, зголемени кибернетски напади, како и организирање и спроведување атентати врз моќни Руси, кои се пребегани во Европа, и живеат во егзил, а кои биле жестоки критичари на Путин.
Кремљ ги негира обвинувањата.
Facebook Forum