Американскиот претседател Џо Бајден ќе објави по постриктни барања за тестирање против коронавирусот за меѓународните патници, продолжување на барањето за носење заштитни маски во авиони, возови и автобуси, и ќе се заложи за доставување милиони дози од вакцините против Ковид до други земји во следните месеци.
На обраќањето од Националниот институт за здравје, ќе ги изложи плановите на нацијата за следните месеци, откако беше потврден првиот случај на сојот Омикрон во САД.
Белата куќа објави дека од патниците ќе се бара да направат негативен тест против Ковид-19, 24- часа пред да влезат во САД, што е промена од досегашната пракса од три дена.
Новите прописи ќе важат и за американските државјани и за странските посетители.
Прописите за носење маски во јавниот превоз и аеродромите коишто требаше да истечат на 18-ти јануари, ќе бидат продолжени до март.
Во соопштението од Белата куќа се наведува дека администрацијата на Бајден планира да достави над 200 милиони дози во странство во следните 100 дена.
Главниот здравствен експерт во Белата куќа, д-р Антони Фаучи, ја потенцираше потребата од граѓаните да се вакцинираат, вклучувајќи и бустери при излагањето во Белата куќа за варијантата Омикрон.
Тој рече дека има 60 милиони луѓе во САД кои и натаму не примиле ниту прва доза од вакцината и нагласи дека зголемувањето на имунолошкиот систем со третата доза ќе помогне во спречување од потешка форма на заболување од коронавирусот.
Facebook Forum