Претседателот Трамп денеска се среќава со косовскиот премиер Авдулах Хоти и српскиот претседател Александар Вучиќ во Овалната соба, објави Белата куќа.
Трамп ќе присуствува на церемонија на потпишување и ќе учествува на трилатералната средба по состанокот, иако конкретно не е објавено каков документ ќе биде потпишан.
По првиот ден од преговорите за нормализирање на економски односи, Вучиќ рече дека ќе го презентира предлог-договорот, што повикува на меѓусебно признавање, а кој тој го отфрлил.
Специјалниот пратеник на претседателот Трамп за мировните разговори меѓу Косово и Србија, Ричард Гренел, преку Твитер, се произнесе дека тоа не е точно.
https://twitter.com/TriaRyder/status/1301576984619749376/photo/1
Од своја страна, косовскиот премиер Хоти не коментираше дали има таков предлог, но потенцираше дека „штетни договори за Косово, неприфатливи за Косово, никогаш не дошле и нема да дојдат до Белата куќа“.
Синоќа, откако лидерите од Белград и Приштина го завршија првиот дел од преговори, Гренел се огласи преку Твитер:
„Беше мошне продуктивен ден“.
https://twitter.com/RichardGrenell/status/1301670492013723648
Претходно и советникот за национална безбедност на Трамп, Роберт О Браен, кој е ко-домаќин на средбите со Гренел, изрази оптимистички тон за преговорите.
По средбата со претседателот Трамп во Белата куќа, Хоти и Вучиќ треба да имаат одделна средба со државниот секретар Мајк Помпео.
Facebook Forum