САД ја одбележаа успешната дистрибуција на над 200 милиони вакцини против Ковид-19 во повеќе од 100 држави во светот, чекор што Белата куќа го нарече исполнување на заложбата на претседателот Бајден, САД да станат „најголем светски арсенал на вакцини“.
„Денес, Американците имаат 200 милиони причини да бидат горди“, се вели во соопштението од администраторот на Американската агенција за меѓународен развој – УСАИД, Саманта Пауел.
„УСАИД е горда агенција да биде во првите редови од меѓународните напори за вакцинација во оваа комплексна и досега невидена пандемија во модерната историја“, изјави Пауел.
Мината недела, Бајден ги најави плановите на САД да донираат повеќе од една милијарда дози за земјите со ниски и средни примања.
УСАИД работи на обезбедување на помошта кон овие нации со тестови, заштитна опрема и лекови.
Facebook Forum