Неколку републикански претенденти за претседател разменија остри напади на нивната прва дебата во отсуство на фаворитот за номинација на партијата во 2024 година Доналд Трамп.
Особено, Вивек Рамасвами, 38-годишниот технолошки претприемач кој покажа изненадувачка сила во последните анкети, се соочи со серија навреди од некои од неговите поискусни ривали.
„Не треба да донесеме дебитант“, рече поранешниот потпретседател Мајк Пенс, додека поранешниот гувернер на Њу Џерси Крис Кристи го обвини Рамасвами дека звучи „како ЧетГПТ“, повикувајќи се на вештачка интелигенција.
Од своја страна, Рамасвами возврати со нагласување на својот статус на аутсајдер, нарекувајќи ги сите останати на сцената „купени и платени“.
Трамп избра да ја прескокне дебатата во Милвоки, дом на Републиканската национална конвенција следната година.
Но, тие, исто така, ризикуваа дополнително да го зацврстат значителното водство на Трамп во анкетите со тоа што ќе се напаѓаат еден со друг наместо поранешниот претседател.
Со повеќе од 14 месеци до изборите, Трамп останува јасен лидер меѓу републиканските гласачи и покрај неговите четири кривични обвиненија.
Поранешниот претседател (77) ја прескокна дебатата, а наместо тоа сними интервју со конзервативниот коментатор Такер Карлсон, кое започна да се емитува на X, страницата порано позната како Твитер, непосредно пред да започне дебатата во обид да ги одвлече гледачите.
Интервјуто имаше околу 74 милиони прегледи во текот на 46 минути.
Кандидатите, исто така, тргнаа по демократскиот претседател Џо Бајден од самиот почеток.
Модераторите Марта Мекалум и Брет Бајер, двајцата водители на Фокс њуз, ја започнаа дебатата прашувајќи за економијата на САД.
„Нашата земја е во пад“, рече ДеСантис.
Додека економијата покажа изненадувачка издржливост, пркосејќи им на предвидувањата за рецесија со робустен пазар на труд, анкетите покажуваат дека многу гласачи, вклучително и мноштво на оние кои го поддржаа Бајден во 2020 годин, чувствуваат дека економијата се влошила во текот на неговите први три години на власт во услови на постојана инфлација.
Со отсутноста на Трамп, републиканските кандидати, вклучително и поранешната гувернерка на Јужна Каролина, Ники Хејли и американскиот сенатор Тим Скот од Јужна Каролина, се обидуваа да го сменат ДеСантис како најверодостојната алтернатива на Трамп.
За ДеСантис, кој претрпе бавен, но постојан пад во анкетите, дебатата претставуваше шанса да се оддалечи наративот од превирањата што ја зафатија неговата кампања во последниве недели, вклучително и значително кадровско менување.
